SEKOMS LANSA EDIFISU FOUN RAKOM FRONTEIRA BALIBO 5 HO FREKUENSIA 98.3 MHZ

Bobonaro-20/10/2025-Média Defisensia, Sekretariu Estadu Komunikasaun Sosial (SEKOMS), ho Prezidente Konsellu Imprensa (KI), Administrador Postu Administrativu (APA) Balibo, konklui lansamentu ba radiu komunidade fronteira balibo five foun ne’ebé ho nia frekuensia 98.3 mhz hodi sai lian ba lian laek sira liuliu komunidade iha postu balibo.

Sekretariu Estadu SEKOMS, Expedito Dias Ximenes hatete, Governu lansa edifisu foun ne’e hodi  fó omenajen no respeitu ba ita nia jornalista nain 5 durante tempu difisil sira sakrifisiu boot  hodi defende lia loos  tanba  ne’e tau radiu nia naran Rakom Fronteira Balibo 5

“Ohin IX governu konstituisional loron importante no historiku loos ho edifisiu simples ne’e iha historiuku tanba jornalista nain lima ita hotu koinese iha situasaun ne’ebé difisil jornalista nain lima husi sira nia servisu no familia ho sakrifisiu boot, hodi defende lia loos no dalan loos defende ita nia liberdade no direitu povu TL. Tanba ne’e edifisiu ne’e tau naran RAKOM Fronteira Balibo 5, atu bele fó omenajen no respeitu ba ita nia jornalista nain 5”, Dehan SEKOMS iha Edifisiu foun RAKOM Fronteira Balibo 5, 15/10.

SEKOMS husu, ba Prezidente Konsellu, atu hamutuk ho jestór Radiu Balibo 5 atu iha diresaun ne’ebé mak loos, no imparsial tenke haree liu ba komunidade nia atividade. Tanba governu agora daudaun harii ona radiu komunidade hamutuk 22 iha TL, hodi sai lian ba lian laek sira.

“IX governu konstituisional agora daudaun ita iha radiu komunidade 21 inklui tanba Balibo 5 22 IX governu konstituisinal sente hodi fó prioridade ba radiu komunidade, tanba RAKOM mak front line katak iha lina frete, hodi fó informasaun ba komunidade no radiu refere kria husi komunidade governu apoiu de’it ba nia dezenvolvimentu ba iha jestaun no ekipamentu ba iha transmisaun radiu nian”, Salienta SEKOMS.

Iha fatin hanesan Administradór Postu Administrativu (APA) Balibo, Casimero dos Santos, afirma, fó agradesimentu ba IX governu liuliu SEKOMS tanba bele harii ona radiu komunidade iha Balibo Five. Ohin bele konklui ona lansamentu ba edifisiu foun iha Postu refere, sai hanesan lian ba liak laek sira liuhusi hato’o informasaun no promove komunidade nia atividade ba Publiku.

“Ami agradese ba SEKOMS nia presensa iha ne’e, hodi haree ho matan saida mak governu oferese ona mai ami komunidade iha Postu Balibo buat foun mak edifisu foun ida iha ne’e durante ne’e ami hein kleur tebes. Maibé ohin realiza duni halo lansamentu. Agradese ba IX governu konstituisional ne’ebé rona duni ami Komunidade Postu Balibo nia halerik. Durante hato’o proposta ba hato’o, maibé tinan ne’e realiza duni radiu ne’e prezensa iha Postu Balibo komesa ohin ba oin radiu komesa funsiona to’o ba nafatin”, Tenik APA  Balibo.

Entretantu, iha lansamentu edifiu forun, RAKOM Fronteira Balibo Five ne’e partisipa husi Prezidente Konsellu Imprensa, Prezidente RTTL.EP, Reprezentante Prezidente Autoridade Munisipiu Bobonaro, APA Balibo, Sefe Suku Postu Balibo,Jornalista sira no komunidade husi Postu Balibo.

 

Jornalista  :  Eufrozina no Geraldino

Editor  : Média RKDTL