A. INTRODUSAUN
Iha tempu naruk, hahu kedan husi tinan 2015,
ami ema ho defisiensia iha mehi bo’ot hakarak hari’i Radio Komunidade ba ema ho
defisiensia iha Timor-Leste, maibe ida ne’e hanesan mehi deit, ho lian Indonesia nian dehan “MIMPI
HANYALAH MIMPI” tanba seidauk hetan dalan atu bele estabelese stasaun radio
ida iha ema ho difisiensia iha Timor-Leste.
Maske ho kondisaun difisiensia maibe la
hamate ami hotu ninia vontade hodi buka dalan atu atinji ami hotu ninia
objektivu katak ho mehi ne’ebe ami iha tenke lori sai ba realidade. Nune’e maka
iha tinan 2019, ho Graca Nai Maromak nian, ami konsege hetan dalan liu husi
vijita ne’ebe Sua Excelencia Secretario Estado Comunicação Social (SECOMS) sr.
Mericio Juvinal dos Reis ‘Akara’ mai iha fatin ida ne’e, hodi hato’o ami ninia
mehi furak ida ne’e ba sua Excelencia.
Maske hanoin murak hirak ne’e, hato’o ona ba
Sua Excelencia Secretario Estado Komunikasaun Social maibe buat hotu lao tuir ninia prosesu,
nune’e maka iha tinan 2019 ne’e kedan, ami husi organizasaun rua hanesan
Fundasaun Ahisaun kompostu husi ema nain haat no husi Asosiasaun Halibur
Difisiensia Matan Timor-Leste kompostu husi ema nain haat, hodi ba tuir
formasaun iha Diresaun Nacional Promosaun no Dezenvolvimento Media Lokal
(DNPDML), iha Farol Dili, durante semana ida nia laran konaba oinsa hakerek NOTICIAS,
PRODUS PSA, TALKSHOW RADIO no materia baziku konaba Jornalismu nian.
Formasaun ne’ebe maka ami hetan durante
semana ida nia laran maske la sufsiente maibe ida ne’e hanesan dalan ida lori
ami ba konhese konaba servisu iha mundo jornalismu nian. Ne’e hanesan pasu ida
hodi hein prosesu tomak husi governu liu husi Secretario Estado Comunicação
social ba establese stasaun radio iha fatin ida ne’e Fundasaun Ahisaun.
Belun le’e na’in sira hotu, Kalan troka ba
loron, loron troka ba semana, semana troka ba fulan no fulan troka ba tinan,
ami ema ho difisiensia kontinua hein to’o ohin loron, mehi ne’ebe iha, tanba
ne’e ami nia nia nai ulun ukun nain sira konsege realiza duni hodi establese iha loron 24 fulan Novembro tinan 2021, estasaun radio komunidade ida ho karakter defisiensia nian iha
Timor-Leste ne’ebe lokaliza iha Aldeia São José Suco Comoro Posto
Administrativo dom Aleixo munisipiu Dili.
Ejistensia Radio Comunidade ida ne’e, ba ami
hanesan buat ne’ebe foun iha ami hotu nia le’et, maibe maske foun no todan ami
koko atu lao ba oin. Tanba ne’e, ami husu nafatin ba ita boot sira hotu, atu
kontinua suporta no tulun ami hodi hala’o servisu iha area komunikasaun.
B. VIZAUN
Lian Ema ho Defisiénsia forte no fo
inspirativo ba Dezenvolvimentu Inklusivu hodi la husik ema ida hela iha kotuk.
C. MISAUN
Misaun husi RKDTL mak:
1. Promove dezenvolvementu inklusivu iha Timor-Leste.
2. Transmiti informasaun kona ba dezenvolvementu inklusivu ba Mundu.
3. Kanaliza lian defisiénsia ba públiku no fo sai
4. Fontes inspirasaun ba ema ho defisiénsia iha Timor-Leste
D. OBJETIVU
GERAL RKDTL
Objetivu husi RKDTL mak hanesan tuir mai ne’e:
1.
Promove no
dezempeña papel Ema ho Defisiensia hodi aktivo iha sosiedade partisipativu,
demokratiku, aberta, justu no independente.
2.
Asegura trasmisaun lian Ema ho Defisiénsia
ba públiku.
3.
Garante informasaun ne’ebé
kredibel no Asesibel ba Publiku.
Media Social RKDTL