Dili-15/01/2024-Media Defisiensia, Resistensia Nasional Estudante Timor-Leste (RENETIL) realiza komunikadu imprensa relasiona ho publiku nia lamentasaun ho atendimentu fasilidade saude iha Timor-Leste tanba faillansu politika publika halo sistema saude paralizadu.
Tuir Sekretariu Jeral
RENETIL Joaquin Fonseca hatete hahu ukun
aán, problema iha Timor-Leste maka problema iha sistema saúde, tanba insidensia
moras barak no kuaze família hotu-hotu iha eksperiensia ruma ho servisu saúde
iha Timor-Leste, vizibilidade husi problema
iha área saúde sai makás liuhusi
faktu katak tinan-tinan Timor-oan barak maka ba rai seluk hodi halo
tratamentu saúde, tambá facilidade saúde iha Timor-Leste seidauk natón atu fó
atendimentu ba moras balun ne’ebé kompleksu no nomplikadu liu.
“Desde ukun aán, problema
ida iha Timor-Leste neébe sempre bolu publiku nia atensaun maka problema iha
sistema saúde tanba, vizibilidade husi problema saúde mos sai makás liuhusi
faktu katak tinan-tinan Timor-oan barak maka ba rai seluk hodi halo tratamentu
saúde, tanba fasilidade saúde iha Timor-Leste seidauk natón atu fó atendimentu
ba moras balun no iha duni melloramentu iha sistema saúde, nune’e bele halo iha Timor-Leste hanesan fase ran, operasaun sezariana
no sirurjia seluk tan, maibé iha realidade too nível ida, mosu ona estagnasaun,
públiku kontinua lamenta kona-ba kualidade atendimentu iha fasilidade saúde
sira iha Timor-Leste”. Subliña Sekretariu Joaquin iha Sede RENETIL
Sekretariu ne’e salienta
problema sira nee bele hetan solusaun no kualidade atendimentu saúde iha
Timor-Leste sai diak tanba faktor rua hanesan, partidu sira neébe konstitui
Governu Konstitusional IX hotu-hotu iha agenda klaru kona-ba saúde, nu’udar
resultadu husi aksaun hirak ne’e.
“Ita hanoin katak
problema sira ne’e bele hetan solusaun
no kualidade atendimentu saúde iha Timor-Leste tanba faktór rua hanesan,
partidu sira ne’ebé konstitui IX Governu
konstitusional hotu-hotu iha ajenda
klaru kona-ba saúde, tanba dadauk neé sistema saúde iha Timor-Leste kuaze
paralizadu iha postu saude lobuk ida iha Munisipiu 12 tenki taka tanba pessoal
la iha, Sentro Saude no Hospital referal sira la iha ema naton atu fó
atendimentu ba pasiente sira tenke haruka mai HNGV”, Dehan Joaquin.
Rekomenda ba Governu da IX, atu foti medida imediatu hodi
rekruta pesoal saúde ne’ebé kualifikadu hodi prenxe fatin sira ne’ebé mamuk no foti
medida urjente hosi adkiri aimoruk no bens konsumiveis sira ne’ebé dadauk ne’e 'out-of-stock' iha Timor-Leste tenke reve
distribuisaun tarefas entre sefia
Ministeriu Saude nian no atribui kompetensia lolos ba Vice-Ministro ne’ebé
responsabiliza operasionalizasaun hospital sira no apela ba membru ne’ebé iha
Governu, husi Vice-PM, Ministru sira no kompañeiru sira ne’ebé hala’o kna'ar oi-oin iha Ministeriu Saude, atu foti
atendimentu saude ba sidadaun hotu ho responsabilidade.
Jornalista
: Geraldino Magno
Editor
: Media RKDTL
0 Comments