FADTL REALIZA PRES-KONFERENSIA BA PREOKUPASAUN ATLETA NE’EBE BA KOMPETE IHA EVENTU INTERNASIONAL

 

Dili 14/09/2023 Media-Defisiensia Federasaun Atletismu Defisiensia Timor-Leste (FADTL) durante ne’e tuir ona eventu barak ho atleta defisiensia lubuk ida iha nasaun internasional no oferese ona medalia lubuk ida mai rai doben Timor-Leste

Iha pres-konferensia ida ne’e atleta sira la satisfaz ho governu nia programa iha orsamentu ba manan nain husi atleta sira simu la ho dignu no justu tuir direitu ne’ebé iha.

Iha konferensia refere Sekretario Geral ba Federasaun Atletismu defisiensia Timor-Leste Domingos Urbano rekomenda ba governu da sia atu hadia erro sira ne’ebé maka falla ona iha mandatu governu da ualu nian atu nune’e labele prejudika no impede atleta defisiensia  sira nia direitu ba esforsu hodi lori nasaun  nia naran ba mundu internasional.

Comisaun Paralimpiku Nasional Timor-Leste hari’i iha tinan 2004, maibé hatudu ona prestasaun barak husi atleta Defisiensia ba mundu internasional.

1.     Iha tinan 2006 Atleta Jacinto Gusmao ba kompete iha Koelalumpur Malasya hetan medalia osan metan ida.

2.     Iha tinan 2008 kopetisaun Asean paragens iha Tailandia Atleta Jacinto Gusmao oferese medalia osan metan rua, no iha Solo Atleta Antonio Soarres oferese medalia osan metan rua.

3.     Iha tinan 2017 kompete Asean Paragens iha Koelalumpur, Malasya Atleta Teofilo hetan medalia Osan mean rua

4.     Kompete iha Asean Paragens Solo Atleta Teofilo manan nain ho medalia osan mean ida.

5.     Iha tinan 2018 kompete iha Jakarta Atleta Teofilo oferese rekord foun iha Asean ho medalia osan mean

6.     Iha tinan 2022 Atleta Teofilo kompete iha Asean paragens Solo manan nain ho medalia osan mean ida. Atleta Domingas da costa manan nain ho medalia osan metan ida, no mos Atleta Domingos manan nain ho medalia osan mean ida.

7.     Kompete iha Cambodia Atleta Teofilo manan nain ho medalia osan mean rua, hodi hasae Bandeira TL no kanta hinu Nsional iha kompetisaun mundu internasional.

Atleta Teofilo Freitas hanesan Atleta ida ne’ebé kompete ona iha mundu internasional no oferese ona medalia lubuk ida mai Timor-Leste, hakarak ezerse sira nia direitu hodi promove Desportiva ema ho defisiensia nian, maibé lakoi atu rona de’it governu nia promesa sem realiza ba sira.

Atleta manan nain ne’ebé hamorin ona Timor-Leste ba desportiva ema ho defisiensia iha mundu internasional rekomenda ba governu atu tau prioridade ba sira atu nune’e labele halakon sira nia esperansa hodi kontinua ba kompete.

Maske ho kondisaun no situasaun sira la fo espasu maibe Atleta ema ho defisiensia sira kuaze esforsu hodi oferese ona medalia lubuk ida mai Timor-Leste liuhusi Deportiva liu husi programa CPNTL no hetan apoiu husi Sekretario Estadu Joventude Desportu.

Entretantu agora daudaun atleta nain haat mane tolu feto ida maka sei halo hela prepara hodi ba kompete iha nasaun Hangzhou China tinan ida ne’e, Atleta ne’ebé atu ba kompete laos foun maibé Atleta klasifikasaun ba kompetisaun sira.

Jornalista: Geraldinho P. Magno

Editor: Alexandre Salsinha