SEKOMS-ARKTL REALIZA PROGRAMA INTERKAMBIU RELASIONA HO SERVISU DURANTE TINAN IDA

 

Bobonaro-20/10/2025-Média Defisensia, Sekretariu Estadu Komunikasaun Sosial (SEKOMS), hamutuk ho Asosiasaun Radiu Komunidade Timor-Leste (ARKTL), realiza programa interkambiu hamutuk ho jornalista, jestor Radiu Komunidade sira iha TL, hodi halo apresiasaun ba servisu nomos kapasitasaun iha formasaun dijital.

Tuir SEKOMS Expedito Dias Ximenes, hatete atividade interkabiu ne’e halao iha ambitu komemora tinan 50 trajedia jornalista nain 5 iha Balibo five, nune’e jornalista no jestor sir abele hola parte iha interkambiu, selebra loron Balibo 5 no liberdade impresan eziste ba dala 3. 

“Iha ambitu komemorasaun tinan 50 Balibo Five, governu liuhusi SEKOMS hamutuk ho ARKTL no kolega sira husi Balibo ita hala’o programa ida ho naran interkambiu entre jornalista, Jestor Radiu Komunidade sira iha TL, hodi halo apresiasaun ba ida-idak nia servisu durante tinan ida, nomos kapasitasaun iha formasaun dijital husi interkambiu ne’e sira bele introdus esperensia husi munisipiu ida ba munisipiu seluk, hodi aprende iha esperensia ne’ebé fahe ba malu no rona problema ne’ebé durante ne’e radiu hasoru mak problema transmitter, ekipamentus teknikus no tekniku kapasitasaun rekursus umanus no edifisiu”, Dehan SEKOMS Iha Salaun Postu Balibo, 15/10.

Sekretariu Estadu SEKOMS hatutan, iha selebrasaun ne’e sira orienta ona diretor sira, hodi servisu hamutuk ho ARKTL, atu bele solusiona problema balun  ne’ebé Radiu Komunidade sira hasoru liuhusi interkabiu sira bele fahe ideia ba malu.

“Ami fó ona orientasaun ba diretor dezenvolvimentu média mak sei servisu hamutuk ho Asosiasaun Radiu Komunidade TL atu bele solusiona problema balun ne’ebé radiu komunidade sira hasoru. Ita hotu hatene RAKOM iha lina frente iha komunikasaun, radiu ne’e kria husi komunidade rasik. Agora ita iha RAKOM 21 governu fó ona orientasaun katak loron-loron sira halo realei ba informasaun sira ne’ebé fó sai no fó orientasaun ba notisia ne’ebé fó sai hanesan konten lokal no halo notísia ho tetun no lian materna”, Salieta SEKOMS.

Iha fatin hanesan Prezidente ARKTL, Prezado V. X. C. de Menezes, fó apresiasaun ba SEKOMS, tanba bele marka prezensa iha interkambiu loron daruak nian, hodi enkjoraza no rona jestor radiu sira nia preokupasaun relasiona ho estasaun Radiu Komunidade 21 nia problema no progresu sira.

“Hau apresia ba Sekretariu Estadu SEKOMS ba prezensa iha fatin ne’e bele haforti ami nia solidariedade no ksolok maske ho situasaun ne’ebé ami haree exselesia nia servisu barak, maibé bele fó biban partisipa no haree ami nia atividade. Ami hakarak hatoo ba exelensia katak partisipante sira hola parte iha interkambiu ne’e husi RAKOM 21 ho total partisipante 42 inklui Estudante universitariu no professor sira, atividade hala’o loron rua ona ami fahe ba programa rua ida programa Website no Radiu Streaming envolve jestor sira no jornalista husi radiu iha koñesimentu naton ba iha website nian”, Tenik Prezidente ARKTL.

Entretantu, objetivu husi Radiu Streaming ne’e atu hasa’e kapasidade jornalista sira, hodi preparadu oinsa atu uza sistema dijitalizasaun. ARKTL kontete tebes ho SEKOMS nia apoiu mai iha Asosiasaun Radiu Komunidade Timor-Leste hodi konklui programa ne’e.

 

Jornalista :  Geraldino & Eufrozina

Editor       : Média RKDTL