Dili-01/10/2025-Média Defisensia,
Vise-Primeiru Ministru, Ministru Koordenadór ba Asuntu Ekonómiku, no Ministru
Turizmu no Ambiente, Dato’ Seri Francisco Kalbuadi Lay, hatete, atu impulsiona
turizmu Timor-Leste ba oin, setór privadu no públiku presiza koopera malu. Tanba
Forum Investimentu Turizmu 2025 ne’e identifika problema balu ne’ebé presiza
hadi’a hanesan infraestrutura turizmu.
“Infraestrutura
turizmu ne’e importante, tanba ema tun iha Aeroportu, ema haree kedas aeroportu
ne’e oinsa, fasilidade oin nusa, mai fali iha Imigrasaun sira simu di’ak ka
lae? Ba fali iha liur ne’e oinsa? Nia sa’e fali kareta tama ba iha Hotel ne’e
nia reservation ne’e oinsa? iha Hotel ne’e nia presu hira? Ita atu dezenvolve
turizmu ne’e hahú husi sira ne’e, maibe
ne’e presiza servisu hamutuk, la’ós Governu de’it maibé ita hotu”, Dehan Vise-Primeiru-Ministru,
MKAE no MTA, iha Fórum Investimentu Turizmu Timor-Leste 2025 iha Centro de
Convenções de Dili, 26/09.
Vise-PM
nota katak, infraestrutura turizmu iha Timor-Leste presiza halo di’ak liu tan
atu bele akomoda ema bainhira vizita Timor-Leste bele sente konfortável.
“Turizmu
iha Timor ne’e barak, maibé seidauk konserva ho didi’ak, balu mak Marobo
(Bobonaro), Rabilau, iha Lospalos ne’eba iha Ainaro, Same, Suai, Baucau,
Díli, barak tan, presiza hadi’a. Ita
Timor la presiza halo uma-andár bar-barak, presiza konserva no prezerva saida
deit mak iha no halo tan saida mak presiza. Maibe ida ne’e labele halo husi
Governu mesak, ita hotu, setór privadu papél importante atu dezenvolve turizmu
rai-laran,”dehan Vise-PM liuhusi Forum ida ne’ebé oportunidade ba Governu atu
rona preokupasaun sira husi setór privadu no emprezáriu sira no entidade relevante
sira seluk.
Vise-PM
afirma, governu sei kontinua dezenvolve turizmu komunitáriu sira ne’ebé
durante ne’e la’o hela hanesan kulináriu no seluk tan.
Iha fatin hanesan, Emprezária Timoroan, Clarícia Lay dehan, apresia ba governu Timor-Leste nafatin tau prioridade no investe iha fatin turismu sira fiar katak sei konklui duni iha futuru mai.
"Agradese ba Governu tanba tau prioridade máximu ba parte turizmu. Nune’e nia fó sujestaun ba Governu atu kontinua dezenvolve, had’ia prezerva no konserva turizmu Timor-Leste nune’e bele atrai ema rai-liur mai vizita", Salienta Emprezária Timoroan.
Tuir Prezidente Banku Mundial, David Freedman, ne’ebé sai mós oradór
iha Forum Investimentu Turizmu ne’e fó nia perspetiva pozitivu ba turizmu
Timor-Leste nian ne’ebé dezenvolve daudaun ona husi Governu no mós setór
privadu sira.
“Ida
ne’e di’ak, ba oin atu dezenvolve turizmu mai ita servisu hamutuk, tanba
Governu mós fo prioridade ba ida ne’e. Banku Mundial sempre koopera”, Dehan
David Freedman.
Oradór
sira ne’ebé partisipa iha Forum Investimentu Turizmu Timor-Leste 2025 ne’e mak
Governadór Banco Central de Timor-Leste, Reprezentante BNCTL, Banku Mundial,
membru Governu relevante sira, no mós emprezáriu sira.
Entretantu,
iha Forum Investimentu Turizmu 2025 ne’e, Governu servisu hamutuk ho parseiru
internasionál, IFC, no seluk tan.
Jormalista : RKDTL Asesu liuhusi Média
pajina Vise-Primeiru-Ministru, MAKE no MTA
Editor :
Média RKDTL
0 Comments