Oecussi-01/10/2025-Média Defisensia-Sekretáriu
Estadu Kooperativas (SEKoop) no Autoridade Rejiaun Administrativa Espesiál
Oekusi-Ambeno (RAEOA), asina Nota Entendimentu MoU nu’udar esforsu komun, atu
fortalese koordenasaun no kolaborasaun entre estruktura governativa sira,
liu-liu iha área dezenvolvimentu kooperativas.
Iha
diskursu inaugurál, Sekretáriu Estadu Kooperativas, Arsénio Pereira, deklara MoU
ne’e nia intentu principal atu fó klaridade ba koordenasaun no responsabilidade
ida-idak, iha implementasaun programa SEKoop sira iha Rejiaun Espesiál.
“Nota
Entendimentu ne’e, maski iha governu ida deit, sei ajuda atu halo koordinasaun
no implementasaun programa sira ho vizuan klaru, hodi fó benefísiu direto ba
komunidade. Espresa kolaborasaun ho RAEOA sei fó baze fóun ba SEKoop atu
implementa programa sira hanesan kapasita kooperativas, fó ekipamentu materiál,
no hadia kondisaun moris komunidade”, Dehan Sekretáriu Estadu Kooperativas iha
salaun IADE iha Oekusi, 25/09
Iha
fatin hanesan, Prezidente Autoridade RAEOA, Régio da Cruz Salu, konsidera Nota
Entendimentu ne’e hanesan pasu importante iha prosesu dezentralizasaun no
fortalecimento poder lokál. Nia hateten katak investimentu iha fasilidade
kooperativa, sentru prosesamentu, no rekurso sira seluk, sei konsidera hanesan
aset ekonomia ba RAEOA.
“
Ita nia Lei n.º 3/2014 fó kompeténsia patrimoniál ba RAEOA, tanba ne’e aset
sira investe ho SEKoop iha rejiaun sei konsidera hanesan parte patrimóniu
ekonomiku lokal. Liuhusi MoU ne’e mós fó espasu ba RAEOA atu operasionaliza
politika nasional iha konteksu lokal Oekusi nian, ho kualidade, inovasaun no
oriyentasaun ba rezultadu. Akordu ida ne’e espresa engajamentu parte rua atu
promové modelu dezenvolvimentu ekonomia base, hanesan konsagra iha
Konstituisaun Repúblika no estratéjia nasional setor kooperativas”, Tenik Prezidente
Autoridade RAEOA
Kolaborasaun
ida-ne’e espéra atu bele kontribui ba Fortalese kooperativas lokal, Aumenta
partisipasaun komunidade iha atividade ekonómiku, Promove sustentabilidade ba
rejiaun Oekusi, no Hadia moris povu liu-liu iha área rural.
Entretantu,
MoU ne’e sei serbe hanesan referénsia ba futuru kooperasaun entre SEKoop no
RAEOA, hodi halo dezenvolvimentu rejiaun Oekusi maka’as, inkluzivu no
sustentável.
Jormalista : RKDTL Asesu liuhusi Média
pajina SEKoop
Editor : Média RKDTL
0 Comments