Dili-23/09/2025
Media Defisiensia, Prezidente Republika no Laureadu Nobel
ba Pás, ofisialmente simu Karta Kredénsial husi Exelénsia Duarte Falé Costa de Bué Alves,
Embaixadór Estraordináriu no Plenipotensiáriu foun Repúblika Portugál nian mai
Repúblika Demokrátika Timor-Leste.
Prezidente Republika José Ramos-Horta hato’o agradesimentu ba Portugal nia parseria ne’ebé
metin, ne’ebé fundamentál ba objetivu dezenvolvimentu ba nasaun nian. Konfiansa katak embaixadór nia
esperiénsia diplomátika ne’ebé kle’an, sei kontribui maka’as liután ba
aprofunda relasaun bilaterál entre Timor-Leste no Portugal.
“Embaixadór Duarte Alves nu’udar diplomata distintu
ida ho kareira ida ne’ebé maka dura liu dékada rua dezde tama iha Ministériu
Negósiu Estranjeiru Portugál nian iha tinan 1999. Ninia esperiénsia diplomátika
internasionál ne’ebé estensivu inklui destakamentu sira iha embaixada portugés
nian iha Luanda, Bruxelas, no Tokyo, no mós nu’udar Adjuntu Reprezentante
Permanente iha OECD Paris. Iha Lisboa, Embaixadór Alves asumi ona pozisaun
asesoria superiór sira ne’ebé signifikativu iha Governu nia laran. Molok hetan
nomeasaun mai Timor-Leste, Embaixadór Alves hala’o knaar nu’udar Konsul Jerál
Portugal nian iha Manchester dezde Setembru 2021. Embaixadór Duarte Alves
fluente iha lian Portugés, Inglés, Fransés, no Italianu”, Dehan Prezidente Republika Liuhusi komunikandu, 22/09.
Prezidente Republika afirma, parseria entre Timor-Leste no Portugál
nu’udar pilar fundamental ida ba ita-nia nasaun nia dezenvolvimentu. Ita
valoriza tebes Portugál nia apoiu sira no hein atu serbisu hamutuk ho Embaixadór,
hodi avansa kooperasaun iha área krítiku sira no hametin liután lasu úniku
entre ita-nia povu.
Entretantu, relasaun bilaterál entre Timor-Leste no
Portugál nu’udar parseria ne’ebé profunda no multifasetadu, ne’ebé metin iha
istória, lian no kultura ne’ebé fahe malu. Ligasaun ida-ne’e reforsa liuhusi
akordu bilaterál 77 no programa kooperasaun estratéjika ne’ebé ativu dezde
2011. Portugál nia apoiu indispensavel iha setór krítiku sira hanesan
edukasaun, justisa, no defeza, kombina ho diálogu polítiku nivel altu, ne’ebé konsistente, halo parseiru
internasionál ho Timor-Leste.
Jornalista
: RKDTL Asesu Liuhusi Komunikadu PP.
Editor : Média RKDTL
0 Comments