Dili-23/09/2025
Média Defisiensia, Prezidente Republika Demokratika
Timor-Leste, inagura Mini Jardin iha Resintu Palacio Presidente Nicolau
Lobato, hodi promove edukasaun ambiental no konservasaun ba animal fuik
sira.
Prezidente
Republika José Ramos-Horta
hatete, estabelese sentru ida-ne’e hodi fasillita ba labarik sira, atu bele
halo pratika hodi koinese animal sira, nomos promove animal fuik ho animal lokal
no domestika atu ema hotu bele koidadu
animal no natureza.
“Inisiativa ida ne’e estabelese sentru ida ba
edukasaun, rekreasaun, no konservasaun, oferese ba públiku, liuliu labarik sira
oportunidade úniku ida atu konekta ho animál lokál no doméstiku sira.
Mini-Jardín Zoológiku ne’e dezeña atu fornese esperiénsia prátika sira ne’ebé
promove empatia, kuidadu, no respeitu ba natureza hahú husi idade ki’ik”, Dehan
PR iha liuhusi Komunikandu imprensa iha Palasiu Prezidente Aitarak-Laran, Dili
22/09.
Iha Serimónia inagurasaun, Prezidente afirma, Liuhusi
Mini Zoolójiku ida-ne’e konekta ita-nia oan sira ba natureza, fornese edukasaun
no haburas respeitu animál nian moris.
“Liuhusi Mini Zoolójiku Ida-ne’e hanesan promesa ida
ba futuru, katak ita sei hapara kapturasaun ba ita-nia manu fuik sira no
envezde ne’e aprende atu hadomi sira, hodi garante katak jerasaun tuirmai sei
sai guardia ba Timor-Leste ne’ebé riku no diversu liután. nesesidade krítiku ba
kompaixaun no respeitu ba animál sira, hodi husu ba públiku atu hadook-an husi
oho ka kaptura arbiru animál fuik sira”, Tenik PR iha fatin inagurasaun Palacio
Presidente.
Prezidente fó mensajen, inspirasaun ida ba labarik
sira, hodi haree ba oin hateten, Palásiu ida-ne’e, jardín, zoolójiku, pertense
ba imi. Futuru pertense ba imi, no ida husi imi bele sai Prezidente iha loron
ida, Abertura ba Mini Zoolójiku marka kapítulu foun ida iha nasaun nia
kompromisu ba kuidadu ambientál no konservasaun ba animál fuik.
Jornalista
: RKDTL Asesu Liuhusi Komunikadu PP.
Editor : Média RKDTL
0 Comments