GOVERNU APOIU NESESIDADE BASIK FORSA FDTL BA EHD IHA FUNDASAUN AHISAUN

Dili 19/09/2025 Media defisiensia, Ema ho defisiensia iha Fundasaun Ahisaun hetan apoiu nesesidade basiku husi Forsa Falintil Defesa Timor-Leste (FFDTL),husi  sosializasaun ida ne’e iha ambitu  hodi komemora loron aniversariu Falintil ba dala 50 nomos loron referendu ba dala 26.

Tuir Xefe Gabineti Apoiu Sosial Coronel Alberto Pereira dos Santos hatete, sosializasaun ida ne’e hala’o tanba hetan apoiu husi governu Timo-Leste hodi fahe hela nesesidade basiku ba maluk defisiensia nomos maluk orfonatu sira.

“Sosializsaun refere  hala’o iha Timor laran tomak atu  bele tau matan ba ema ho defisiensia nomos orfonatu sira nune’e ambitu hodi  komemora  aniversariu falintil nian ba dala 50  nomos loron referendu ba dala 26 ba tinan ida ne’e”. dehan Xefe Gabineti Apoiu Sosial Coronel Alberto Pereira dos Santos iha fundasaun Ahisaun, 19/09.

Xefe Gabineti Apoiu Sosial ne’e hatutan, husi FFDTL nia sosializasaun ida ne’e atu hafanu  parte intituisaun governu, ONG, no parseriu internacional sira atu bele tau matan nafatin ba ema ho defisiensia nomos orfonatu sira iha Timor-Leste.

“Sosializasaun ida ne’e  primeira ves Xefe Gabineti Apoiu Sosial ho nia ekipa hala’o mai iha Fundasaun Ahisaun, karik iha futuru iha orsamentu apoiu husi governu sira sei nafatin hala’o sosializasaun no parseriu ho fundasaun ahisaun” tenik Xefe Gabineti Apoiu Sosial iha Fundasaun Ahisaun.

Entretantu apoiu nesesidade basiku sira maka hanesan, supermi, fos, xa, masimidar, mina, rinso no seluk tan. Nesesidade hira ne’e entrega direta  ba maluk defisiensia sira iha Fundasaun Ahisaun.

Jornalista       : Efifania dos santos & Eufrozina Bras

Editor             : RKDTL