Quelicai-Antigu, 03/09/
2025-Média Defisensia, Eskola Ensinu Báziku Dom Carlos Filipe Ximenes Belo,
ne’ebé iha istória rezisténsia durante okupasaun Indonézia. Eskola refere hetan
apoiu fasilidade no ekipamentu desportu husi Prezidénsia Repúblika, liuhusi
Unidade Sosiédade Sivil no Apoiu Sosiál.
Assesor Fraternidade
Umana, reprezenta Presidénsia Repúblika, Nuno Horta, hatete apoiu ne’e husi
Prezidente ba eskola refere tanba durante tinan barak ona sei menus fasilidade hanesan kadeira, meiza no ekipamentu sira
seluk hodi tulun estudante no professor sira iha sala laran.
“Apoiu ne’e sai
resposta imediata husi Prezidente Ramos-Horta tanba Eskola ne’e iha los área
rurál presiza tebes fasilidade atu alkansa estudante sira nia prosesu
aprendisajen. Prezidénsia Repúblika transporta uluk Kadeira hamutuk 25, sei
falta kadeira 75 no meza hamutuk 21, sei falta meza 79, totál meza-kadeira hamutuk
200. Kuadru aprendizajem hamutuk 6, komputadór ho marka hp-1, printer ho marka
hp 1 no ekipamentu desportu inklui sepatu-roupa. Apoiu ida ne’e parte husi
inisiativa Prezidente Republika nian, hodi responde ba proposta eskola refere”,
Dehan Representante PR Nuno Horta iha Quelicai, Baucau, 03/09.
Iha fatin hanesan, Diretór
EB Dom Carlos Filipe Ximenes Belo, Egidio Gusmão no komunidade lokál kontinua husu
ba governu atu fó atensaun ba eskola Katóliku sira. Tanba kontribui
signifikante ba edukasaun nomos rezisténsia nasionál.
“Professór no estudante
sira iha ne’e, hotu-hotu mesak Timoroan deit. Ami husu Governu tau matan ba
eskola katóliku sira hanesan mos governu tau matan ba eskola públiku sira
seluk, tanba sira mos fó kontribuisaun bo’ot ba luta independénsia. Tanba
Eskola ida-ne’e, koñesidu antes nudar “SD Darnafa”, loke iha tinan 1990 ho
kontribuisaun husi Laureadu Nobel da Paz Dom Carlos Belo, no eskola refere sai
fatin kladestina ba gerilleiru, padre sira no komunidade. Hafoin Timor-Leste
restaura independénsia, eskola ne’e muda naran ba Dom Carlos Filipe X. Belo,
nu’udar homenajem ba ninia papél iha luta nasional”, Afirma Egidio iha Darnafa.
Tuir Estudante Lizia
Arlindo Soares, sente kontente sira nia eskola bele hetan apoiu direta, husi
Prezidente Repulika hodi bele tulun estudante sira no professór sira, bainhira
hala’o prosesu aprensizajen iha sala laran.
“Durante ne’e ami tuir prosesu aprendizajen sala
laran dalaruma ami estudante nai rua tenke okupa meza ida de’it no agora ho
apoiu Prezidente nian, ami bele aprende di’ak liu no tur mós iha distansia”,
Tenik Lizia.
Entretantu, Eskola ida-ne’e
iha estudante hamutuk 256 no professor nain-8, ezistensia eskola refere sei
kontinua hanesan símbolu rezisténsia no esperansa ba foin-sa’e Timor-Leste.
Jornatista : RKDTL Asesu Liuhusi Pajina PR no
Komunikadu.
Editor : Média RKDTL
0 Comments