CGT-TL KONTINUA SOSIALIZA PLANU ASAUN NASIONAL EHD BA AUTORIDADE LOKA HUSI POSTU 4

Dili-01/10/2025-Média Defisensia, realiza sosializasaun planu asaun nasiona ehd nian ba autoridade lokal sira liuliu iha munisipiu Dili rekolla de’it Postu Administrativu haat, relasiona ho situasaun ne’ebé Ema ho Defisensia hasoru iha baze.

Jestor Programa ba Core Group Transparancy Timor-Leste, Sabino Fitun hatete, atividade ohin ho objetivu  atu kontinua sosializa informasaun ba Autoridade Loka sira, relasiona ho Planu Asaun Nasional ba Ema ho Defisensia no CRPD  iha rai-laran sei nafatin la’o lentu.

“ita konvida autoridade sira mai tanba ita nia objetivu atu halo sosializasaun ne’e, hau fiar katak maske autoridade sira iha Dili dala barak sira sedauk hatene informasaun sira ne’e, liuliu ministeriu relevante sira laiha sosializasaun ba sira. Ita inisia atu halo sosializasaun ne’e  alende sira tenke hatene asuntu EHD nian, hodi halo tratamentu ho dignu ba sira nia populasaun liuliu defisensia sira iha sira nia suku. Ita atu haree kona-ba EHD nia nesesidade kada tinan, governu tau orsamentu ou lae entaun dala ruma autoridade sira la hatene sira nunka informa situasaun sira ne’e ba komunidade no sira la halo oinsa atu komunika ho governu hodi halo dezenvolvimentu tuir nesesidade”, Dehan Program Manage CGT-TL, iha Salaun HAK Farol Dili, 30/09.

Diretor ne’e esklarese, sensus hatudu ona maibé governu sedauk tau atensaun di’ak ba Ema Ho Defisensia sira ne’ebé sei vulneravel tebes, maibé governu nia atuasaun no tratamentu ba EhD ladun inkluzivu. Autoridade lokal sira nia presensa liuhusi sosializasaun ne’e atu bele koalia, hodi fanu governante sira relasiona halo dezenvolvimentu ne’ebé inkluzaun ba ema hotu, tanba konvensaun internasional ba EhD ratifika ona tenke iha implementasaun no tau iha pratika.

Iha fatin hanesan Xefe suku  Kampon Alor, Ester Aleixo dehan, ohin hola parte iha sosializasaun ne’e antes ne’e sente triste tebes, bainhira komunidade iha Kampon Alor liuliu EhD sira hetan eviksaun maibé governu la prepara kondisaun ba sira antes haruka sira husi fatin ne’ebé sira hela ba.

“Ohin ita hola parte iha soisializasaun ba planu asaun nasional EHD. Bainhira komunidade kampo Alor balun hetan eviksaun hau sente triste iha ne’eba hau nia komunidade lubuk ida inklui EHD.  Hau sente triste tanba EhD ne’ebé estadu trata la ho dignu, ne’e hanesan tritesa boot ida wainhira iha Aldeia Jero Tres no EhD lubuk ida mak hetan eviksaun iha momentu ne’eba, maibé agora sira hetan apoiu husi igreija no governu fó ona indiminizasaun ba sira”,Subliña Xefe Suku Kampo Alor.

Tuir representante Diretor ADTL, Noebertai de Araujo hatete, husu ba governu atu servisu hamutuk ho ONG ema ho defisensia molok halo rehabilitasaun ba rampa no asesibilidade sira seluk iha instituisaun.

“Husu ba governu mak primeiru govenu atu halo rehabilitasaun ruma presiza koopera ho ONG defisensia sira. Bainhira atu hadia eskola ida, presiza haree oinsa EHD nia nesesidade iha ne’eba hanesan rampa, hand rith ba EHD no tradutor ba EHD Tilun sira ida-ne’e mak ami husu ba governuatu tau atensaun liuliu problema ne’ebé ohin loron ita hasoru”,Tenik Noebertai de Araujo.

Entretantu, iha atividade sosializasaun ne’e partisipa husi autoridade loka, husi Postu Administrativu haat iha munisipiu Dili mak Dom-Aleixu, Kristu Rei, Vera Cruz no Nain Feton inklui EhD husi Representante husi RHTO no ADTL.

Jornalista  :  Geraldino Magno

Editor   : Média RKDTL