SEFOPE ASINA DEKLARASAUN HO TABALLADÓR TIMOR-OAN 103 BA SERVISU IHA AUSTRALIA

 

Dili-07/08/2025-Média Defisensia, Sekretariu Estadu Formasun Profisional no Empregu (SEFOPE),  hamutuk ho inan aman hala’o  despedida ho traballadór Timor-oan  atu ba servisu iha  Australia, no partisipa direta husi Ministra ba Dezenvolvimentu Internasional husi Australia iha asina deklarasaun ne’e.

Sekretariu SEFOPE Rogério Araújo Mendonça hatete, liuhusi asina deklarasaun ne'e husu ba traballadór 103 formalmente atu apoiu lei Australia nian. Tenke respeita kondisaun vistu no fó onra ba traballadór sira-nia kontratu servisu di’ak no evita sai husi sistema.

“Ami fiar traballadór sira sei iha kultura atu hatudu respeitu ba lei Australia nian, tanba ita-nia kontratu remata ona ita prontu atu fila, hodi hein fali oportunidade tuir mai. Eskema Palm ne'e nu'udar testemuña ida ba ami-nia objetivu no medial Trust. Ami sente orgullu tanba haruka ona Traballadór 20,000 mil i dois ba Australia no iha komitmentu atu haruka tan 10,000 mil iha tinan 2 oin mai”, Dehan SEFOPE iha Hotel Hilton Fatuhada Dili, 07/08.

Hatutan SEFOPE, ohin selebra ona despedida ho traballadór sira tempu besik sira sei aranka ba servisu iha Australia iha programa mobilidade Laboral, lori Governu Timor-Leste nia naran apresia ba governu Australia  liuhusi Ministra ba Dezenvolvimentu Internasionál ne’ebé prezensa iha eventu ne’e hodi asisti no ekoraja direta traballadór sira.

“Ha'u nia enkoraja ema hotu ne'ebé marka prezensa iha eventu ne’e, atu buka-hatene oportunidade ida no sai testemuña ba sira ne’e fó impaktu pozitivu. Husi prémiu kolaborasaun ida-ne'e, lori Governu Timor-Leste nia naran ha'u hakarak hato'o ha'u-nia apresiasaun ba imi-nia prezensa iha eventu importante ida-ne'e hodi despedida, ami-nia traballadór sira atu ba servisu iha Australia ohin traballadór  hamutuk 103 sira maioria foun no re-entri nain 18”,Salienta SEFOPE.

Iha fatin hanesan Ministra Dezenvolvimentu Internasionál mai Timor-Leste, Anne Aly dehan, apoiu Austrália nian ba prioridade dezenvolvimentu Timor-Leste. Austrália aumenta ona finansiamentu ba Asistensia Ofisiál ba Dezenvolvimentu ba TL liu millaun $10 iha tinan finanseiru ne'e, ho alvu ba dezenvolvimentu abilidade forsa traballu nian no dalan empregu nian.

"Austrália iha liña oin ba apoiu ba Timor-Leste dezde prosesu independensia. Nu'udar Timor-Leste nia parseiru dezenvolvimentu boot liu, ami sente orgullu tanba fornese ona finansiamentu emerjénsia millaun $5 tan hodi mantein inisiativa kritiku sira la'o. Tinan finanseiru ne'e Austrália mós sei hasa'e ami-nia apoiu ba dezenvolvimentu liu millaun $10, hodi apoia Timor-Leste nia vizaun ba ekonomia ida neʼebé diversifikadu no inkluzivu", Tenik MDI Australia.

Entretantu, adisionalmente, iha fulan neen ikus ne'e Austrália intervein hodi fornese finansiamentu emerjénsia maizumenus millaun $5 hodi mantein inisiativa xave sira vasinasaun, nutrisaun no igualdade jeneru nian la'o tuir dezafiu finansiamentu ne'ebé iha.

Jornalista  : Geraldino Magno

Editor        : Média RKDTL