APC REKOLLA UMA 8 HETAN ESTRAGUS HUSI DN IHA SEMANA NE’E

Dili-11/08/2025-Média Defisiensia, Autoridade Protesaun Sivil iha loron 04-11 fulan Agusto tinan ne’e durante semana ida, Protesaun Sivil rejistu familia uma-ka’in hamutuk 8 hetan estragus husi dezastre naturais ne'ebé akontese iha munisipiu haat.

Xefe Seksaun Komunikasaun APC, Genoveva Fernandes Almeida akresenta, durante akontesementu dezastre iha munisipiu hitu, APC registu uma latama kriteria apoiu deit emerjensia uma 3 no numeru uma ne’ebé priense kriteria ka afetadu hamutuk 5, nune’e APC munisipiu apoiu kedas emerjensia ba vitima sira ne’ebé hetan dezastre.

"Durante semana ida nia laran iha munisípiu hitu Autoridade Protesaun Sivil, Sekretariu Estadu Protesaun Sivil rejistu xefi familia uma-ka’in hamutuk 5 hetan estragus husi dezastre naturais, apoiu de’it emerjensia 3 ne'ebé akontese ba ema afetadu 46 no evakua 18", Dehan Xefe Seksaun Komunikasaun APC, Genoveva iha Salaun Kaikoli, Dili, 11/08.

Xefe Seksaun Komunikasaun APC, esplika tan iha munisípiu 4 mak APC rejistu uma estragus 8 hetan estragus husi, anin sobu 4 no ahi han 4 uma sira ne ‘e hetan estragus husi dezastre ne’ebé akontese durante semana ida iha fulan Agusto nia laran.

"Munisípiu Hitu ne'ebe hetan estragus hanesan Munisípiu Baucau, Poatu Quilicai, Suku Bualale Aldeia Ossu Mosa, iha loron 1/08/2025, akontese anin sobu komunidade nia uma 1 no tama ba kategoria aat naton, Postu Venilale, Suku Fatulia Aldeia Uai-To-Bono iha lorn 2/08/2025, akontese anin sobu komunidade nia uma 1 no kategoria at naton. Munisipiu Postu Lautem, Suku Com, Aldeia Lohomatu, iha loron 4/08/2025, akontese ahi han komunidade nia uma 3, rua tama kategoria no 1 apoiu de’it emerjensia tanba uma dapur. Manufahi, Postu Same, Suku Betanu, Aldeia Loro, iha loron 04/08/2025, akontese anin sobu Komunidade Nia Uma 1 No Kategoria Aat Total No RAEOA, Sub Rejiaun Pante Makassar, Suku Taiboco, Aldeia Makelab, iha loron 06/08/2025, akontese ahi han komunidade nia uma 1, apoiu de’it emerjensia no Suku Taiboco, Aldeia Nenum, iha loron 05/08/2025, akontese anin sobu komunidade nia uma 1 apoiu de’it emerjensia”, Tenik Xefe Seksaun Komunikasaun APC.

Entretantu, vitima ba dezastre naturais hamutuk uma 8 sira hetan ona apoiu emerjensia husi komandu APC ho parseriu relevante sira,  iha munisipiu ida-idak apoiu ai-han no la’os aihan, no komandu operasional autoridade protesaun sivil  munisipiu sira sei kontinua halo levantamentu dadus ba uma-ka’in ne’ebé hetan estragus makas no uma ne’ebé hetan estragus naton.

Jornalista : Geraldino Magno

Editor       : Média RKDTL