Dili-12/08/2025-Média
Defisensia, Governu liuhusi Ministeriu Juventude Desportu Arte
no Kultura (MJDAK), lansamentu monografia dividendu (bonus) demográfiku hamutuk
ho parseiru internasional no ONG, hodi prepara ba komemorasaun loron nasional
ba juventude sira.
Ministru Juventude
Desportu Arte no Kultura, Nélio Isac Sarmento, hatete, atividade ohin aproveita
selebrasaun loron nasional ba juventude sira aumesmu tempu lansa mós monografia
dividendu /bonus demográfiku ba
juvendute iha Timor-Leste, atu bele hatene dadus no informasaun sira iha demográfiku
ne’e.
“Aproveita loron
nasional ba juventude sira ita halo mós lansamentu ba monografia dividendu ba joven
sira iha ita nia rai, nune’e ita koalia kona-ba programa juventude nian ita mós
tenke iha planu estatistiku utuan. Bainhira atu planeia programa sira ba joven
sira tanba iha tinan naruk liu ba ita atu halo programa ba joven ita laiha
dadus kompletu no ita atu fahe informasaun sira ita ses utuan husi objetivu
loloos dezenvolvimentu sustentabél.
MJDAK hatutan tan, monografia dividendu kona-ba demográfiku ba
joven sira importante tebes atu bele hatene kona-ba papél kritiku planeamentu
familiar nian, hodi hamenus taxa fertilidade ne’ebé aas iha ita nia rai maibé
dadaun ne’e ita observa komesa hamenus ona.
“Ita aproveita
komemorasaun ne’e ita halo lansamentu monografia dividendu kona-ba demográfiku
ba joven sira ema hotu bele hatene kona-ba dadus familia nian dala ruma familia
ida iha oan to’o ualu bele mós liu ida-ne’e sai hanesan kauza ida ba ita oinsa atu haree ba situasaun ne’e
maibé iha tempu tuir mai inan feto sira bele iha oan hitu no ualu ne’e komesa
redus ona tanba ne’e husi lansamentu ne’e ita bele hatene katak inan feton sira
komesa iha koñesimentu naton ona ita haree sira bele iha oan tolu ou haat de’it
kompara ho tinan uluk ne’e hanesan fertilidade ne’ebé bele halo redusaun ba
problema sira ne’ebé ita hasoru iha ita nia rai liuliu problema sosial”, Dehan Ministru
MJDAK iha Hotel Timor, Dili 11/08.
Entretantu, MJDAK
kompromete sei esforsu atu dezenvolve deportu di’ak liu iha future, hodi fó
oportunidade ba joven sira hoti espresa sira nia talentu iha área desportu.
Jornalista : Geraldino Magno
Editor :
Média RKDTL
0 Comments