Dili-06/08/2025-Média Defisensia,
Ministériu Solidariedade Sosial no Inkluzaun (MSSI), liuhusi Diretor Institutu
Nasional Seguransa Sosial (INSS), lansa aplikasaun sistema online ba kontribuisaun
seguransa sosiál iha instituisaun refere.
Ministra
MSSI, Veronica das Dores, hala’o lansamentu ba aplikasaun ho objetivu, atu
fasilita kontribuisaun funsionáriu no traballadór sira-nian ba seguransa
sosial.
"Aplikasaun
ne'e seidauk lansa no susar tebes ba ema atu ba liña loroloron, tanba ne'e ema
ida ka rua de'it halo servisu ne'e, presiza tempu barak, tanba ne'e ohin loron
iha mundu dijitál ami prefere atu kria sistema online ida hodi ajuda funsionáriu
sira hatene sira-nia osan", Dehan Ministra MSSI iha Salaun OKA Surikmas,
Dili, 05/08.
Prezidente
INSS Arlindo Pinto, aplikasaun ida-ne'e dijitaliza prestasaun servisu ba
públiku no iha Objetivu lima, dahuluk fasilita haruka informasaun diretamente
husi empregadór husi sira-nia rekursu umanu. Daruak fasilita kestaun kona-ba
sira-nia matadalan pagamentu rasik husi empregadór, datoluk fasilita hodi
haruka dokumentu rasik husi empregadór, dahat fasilita operasaun, fornesimentu
informasaun ba entidade no dalima
fasilita rejistu traballadór sira husi entidade sira.
"Ohin
ita kontinua lansa ona modulu kontribuisaun seguransa sosiál ba sistema online
ne'ebé ita oferese ba ita-nia funsionáriu sira, liuliu ba setór públiku no
privadu sira, ne'ebé kontribui ona ba regularizasaun traballador sira-nian. Tanba
ita-nia lei seguransa sosiál mós hatete katak ita iha ita-nia setór finanseiru
rasik no ita-nia sistema rasik atu regula ita-nia sistema seguransa finanseira.
Atu hetan no asesu ba aplikasaun favór vizita https://securitysocial.gov.tl.”,
Afirma Prezidente INSS.
Entretantu,
liuhusi sistema kontribuisaun modular no bele tulun servisu públiku liu-liu iha
prestasaun dokumentus husi entidade empregadór sira. Iha maneira ne'ebé sira
hatán diretamente ba Instituisaun Nasional Seguransa Sosial maibé liuhusi
sistema online.
Jornalista : Geraldino
Magno
Editor : Média RKDTL
0 Comments