Dili-21/08/2025-Média
Defisensia, Prezidente Republika Demokratika Timor-Leste,
José Ramos-Horta hamutuk ho Primeiru Ministru, membru govenu, Forsa Falintil Defesa
Timor-Leste (F-FDTL) no Povu tomak selebra aniversariu loron Forsa Armadas Libertasaun
Nasional Timor-Leste (FALINTIL), ba dala-50, hodi fó onra ba pesoal hotu-hotu
ne’ebé dedika sira-nia moris ba independénsia.
“Ohin, iha aniversáriu
FALINTIL nian ba dala-50, ita fó onra ba mandatu konstitusionál hodi rekoñese
lideransa supremu Prezidente Nicolau Lobato nian, no korajen imensu husi eroi
sira hanesan Joaquim Saldanha, Artur do Nascimento, no Dulce Cruz. Sira-nia
legadu mak livre no soberanu Timor-Leste ne’ebé ita moris iha ohin loron”, Dehan
PR iha Tasi Tolu, Dili, 20/08.
Prezidente Republika
hatutan tan, serimónia ida-ne’e marka pasu signifikativu ida iha kompromisu
Estadu ba independénsia Repúblika Demokrátika Timor-Leste no kondekora Eroi FALINTIL
sira ho Kondekorasaun aas liu estadu nian iha Komemorasaun loron FALINTIL.
“Iha okaziaun istóriku
aniversáriu Forças Armadas de Libertação Nacional de Timor-Leste (FALINTIL), ba
dala 50, estadu kondekora titlu póstumu ho onra aas liu nasaun nian ba Eroi
Na’in Haat ne’ebe luta ba independénsia Timor-Leste nian, iha Serimónia solene
ne’ebe hala’o iha Tasi-Tolu. Tuir Dekretu Prezidente Repúblika Nú. 82/2025,
ne’ebé asina iha loron 19 fulan-agostu tinan 2025, iha Palásiu Prezidensiál
Nicolau Lobato, Prezidente Ramos-Horta kondekora titlu póstumu ho Grande Kolar
Orden Timor-Leste nian ba Matebian Prezidente Nicolau dos Reis Lobato “Tau Fui”,
Tenik Prezidente Republika.
Entretantu, Dekretu
Prezidente Repúblika Nú. 83/2025, ne’ebé asina mós iha loron 19 fulan Agostu,
Prezidente Ramos-Horta kondekora titlu póstumu ho Grau Kolar Orden Timor-Leste
nian ba Kombatente Libertasaun Nasionál na’in tolu ne’ebé respeitadu; Joaquim Saldanha
“Naha Berek”, Artur do Nascimento “Tripas” no Dulce Cruz “Wewe Sahe”.
Jornalista : Geraldino Magno Asesu Informasaun Husi Press
Release PR
Editor
: Média RKDTL
0 Comments