APC REJISTU UMA 8 HETAN ESTRAGUS HUSI DEZASTRE NATURAIS LORON 18-25

 

Dili-25/08/2025-Média Defisiensia, Autoridade Protesaun Sivil iha loron 18-25 fulan Agusto tinan ne’e durante semana ida, Protesaun Sivil rejistu familia uma-ka’in hamutuk 8 hetan estragus husi dezastre naturais ne'ebé akontese iha munisipiu hitu.

Xefe Seksaun Komunikasaun APC, Genoveva Fernandes Almeida akresenta, durante akontesementu dezastre iha munisipiu hitu, APC registu uma latama kriteria apoiu deit emerjensia uma 2 no numeru uma ne’ebé priense kriteria ka afetadu hamutuk 6, nune’e APC munisipiu apoiu kedas emerjensia ba vitima sira ne’ebé hetan dezastre.

"Durante semana ida nia laran iha munisípiu 7 Autoridade Protesaun Sivil, Sekretariu Estadu Protesaun Sivil rejistu xefi familia uma-ka’in hamutuk 6 hetan estragus husi dezastre naturais, apoiu de’it emerjensia 2 ne'ebé akontese ba ema afetadu 49 no evakua 4", Dehan Xefe Seksaun Komunikasaun APC, Genoveva iha Salaun Kaikoli, Dili, 25/08.

Xefe Seksaun Komunikasaun APC, esplika tan iha munisípiu 7 mak APC rejistu uma estragus 8 hetan estragus husi, anin sobu 4  no ahi han. Uma sira ne ‘e hetan estragus husi dezastre ne’ebé akontese durante semana ne’e.

"Munisípiu Hitu ne'ebé hetan estragus hanesan Munisípiu Aileu, Remexio post, Suku Tulatakeu, Aldeia Samalete, iha 10/08/2025 akontese anin sobu komunidade nia uma ida no tama kategoria aat. Ainaro, Postu Hato-Udo, Suku Leolima, Aldeia Nuno Boco, iha 19/08, Akontese Ahi han komunidade nia uma 1, A'at total. Bobonaro, Mali post, Suku Ritabou, Aldeia Moleana iha loron 18/08/2025 akontese Ahi han komunidade nia uma 1, A'at total. Ermera, Post Railaco, Suku Uma Railaco Kraik, Aldeia Riamori, loron 18/08, Akontese Ahi han komunidade nia uma 1, At total. Lautem, Postu Lautem, Suku Maina 1, Aldeia Soleresi, iha 22/08/2025 Akontese Anin sobu komunidade nia uma 1, la tama kateri apoio deit emergensia. Liquisa, Hafoin Liquisa Villa, Suku Leotal, Aldeia Manati, iha 17/08, Akontese Anin sobu komunidade nia uma 1, simu deit apoiu emergensia. RAEOA, Sub rejiaun Silo Minarai nian, Suku Usitasae, Aldeia Pune, iha loron 16/08/2025 Akontese Anin sobu komunidade nia uma 1. Iha Nitibe nia ukun, Suku Lela-Ufe, Aldeia Hauofe, iha 19/08, Akontese Ahi han komunidade nia uma 1, At Kaman”, Tenik Xefe Seksaun Komunikasaun APC.

Autoridade Protesaun Sivil alerta ba públiku katak,  bazeia ba informasaun previzaun Tempu husi Diresaun Nanional Meteorolojia no Jeofisika, iha semana kotuk nia laran husi loron 18-25 Agustus. Kondisaun Tempu iha semana kotuk nia laran atmosfera estavel ka naroman iha teritoriu Nasional maibe iha rejiaun Sentral licliu iha parte foho mak kalohan taka kauza udan Suviska munisipiu sira hanesan Lautem (Iliomar), Vikeke, Manufahi no Viqueque. Temperatura másimu iha teritóriu nasionál varia husi 23-32 °C no mínimu 19-23 °C. Kondisaun Anin hu'u ho Velosidade Normal iha rejiaun Sentral no anin hu'u ho velosidade naton iha kosta Norte no Sul liuliu Dili, Atauro, Lautem, Baucau, Vikeke, Manufahi, Manatuto no Covalima. Kondisaun Laloran tasi kosta Norte varia husi 0.1-1.0 metru Kategoria Normal, Laloran tasi kosta Sul varia husi 0.75-1.5 metru Kategori Normal-Naton.

Entretantu, vitima ba dezastre naturais hamutuk uma 8 sira hetan ona apoiu emerjensia husi komandu APC ho parseriu relevante sira,  iha munisipiu ida-idak apoiu ai-han no la’os aihan, no komandu operasional autoridade protesaun sivil  munisipiu sira sei kontinua halo levantamentu dadus ba uma-ka’in ne’ebé hetan estragus.

Jornalista : Geraldino Magno

Editor       : Média RKDTL