SEPC REALIZA ATIVIDADE VALIDASAUN MANUAL BA AVALIASAUN NASIONAL NO SENTRU EVAKUASAUN EMERJENSIA

 

Dili-24/07/2025-Média Defisensia, Sekretariu Estadu Protesaun Sivil hamutuk ho reprezentante Uniaun Europeia iha Timor-Leste abertura ba atividade worshop validasaun manual ba avaliasaun nasional hodi realiza tan projeitu Standard operating procedur iha munisipiu rua.

Tuir SEPC Domingos Mariano Reis, hatete, worshop refere hodi koalia kona-ba projeitu dahuluk ne’ebé sei hala’o iha Municipio Viqueque no Covalima ba avaliasaun operasional risku dezastre ne’ebé iha.

 “Objetivu husi worshop refere ho tema validasaun  standar  operasional  proseduru ba asesimentu  risku dezastre,  no standerlizasaun  operasional prosedur kona-ba sentru evakuasaun. Liuhusi Uniaun Europeia sei  apoiu ba  Autoridade protesaun sivil liuhusi projeitu Standard operating procedur (SOPS)  ne’ebe sei implementa iha municipio Viqueque no Municipio Covalima. Projeitu dahuluk sira hari’i ona sentru evakuasaun  rua iha Municipio Viqueque no Covalima no agora apoiu tan ba iha edukasaun evakuasaun risku dezastre iha Timor-Leste nafatin foka iha municipio rua, baseia ba mapamentu risku  iha Municipio rua refere iha dadus hatudu katak boot liu Municipio sira seluk”, Dehan SEPC iha Salaun Luz Klarita, Dili 23/07.  

Sekretariu Estadu ne’e hatutan, husi tinan 2025 dezastre naturais ho total dadus 4 mil   apoiu ona  emerjensia, sei apoiu rekoperasaun husi ekipa nacional  hodi hatene lolo’os dadus tuir kategoria 3 hanesan estragus total, natoon  no kman.

Iha fatin hanesan Delegasaun Uniaun Europeia iha Timor-Leste Melonencia Martins informa, ohin hola parte iha atividade tanba durante ne’e Uniaun Europeia iha komprimisiu, nafatin apoiu orsamentu ba Governu TL liuhusi Autoridade Protesaun Sivil, hodi relaiza tan projetu ba daruak nian iha munisipiu ne’ebé ameasa boot husi risku ba dezastre naturais. 

“Objetivu atu  apoiu orsamentu ba projeitu  ba iha Municipiu sira ne’ebe hetan risku ba dezastre naturais iha Timor-Leste, apoiu liu husi Autoridade Protesaun Sivil hodi bele halo operasaun ba komunidade no populasaun sira ne’ebe hetan risku ba dezastre. Ho montante orsamentu 620.00  mil dolar Americano. Projeitu ida ne’e foin dahuluk Uniaun Europeia halo entre Timor-Leste refere liu ba iha Protesaun sivil”,Tenik Representante UE iha Timor-Leste.    

Jornalista  : Geraldino Magno

Editor       : Média RKDTL