DESIGUALDADE FAMILIAR IHA TENDENSIA BA VIOLENSIA DOMESTIKU

 

Dili-24/07/2025, Media Defisiensia Timor-Leste independensia ba dala 25 maibe  feto nafatin iha klase segundu tanba  Adopta Kultura Patrialkar, bazeia ba jeneru feto hetan de’it knar servidor domestika iha familia. Laiha oportunidade ba servisu no hola parte iha vida politika.

Tuir Xefe Departamentu Prevensaun Kombate Violensia Bazeia ba Jeneru Carla Maria Valente hatete, desiguldade mosu tanba ema idaidak nia atetude moris hodi halo diferensia iha familia, tuir hanoin ne’ebe la hanesan hodi hatur feto iha klase segundu sai servidor domestika iha familia.

“SEI iha kompetensia tomak atu bele halo advokasia ba prevensaun kombate Violensia domestiku nomos  bazeia ba jeneru, SEI halo ona formasaun barbarak sai meius ou politika ida Oinsa atu kombate ba problema hira ne’ebe mosu ba inan feto sira.Mosu desiguldade iha ona diferensa tanba  kondisaun vida, ema ida ho ema seluk lahanesan iha sosiedade ida nia laran ou familia ida nia laran, ho razaun sira   menus rekursu ekonomiku. Factor sira maka fahe knar servisu uma laran, ne’ebe desiguldade hatur kedas tuir kultura patrialkar katak mane iha kapasidade previlensiu bot liu kompara ho feto”. Dehan Xefe Departamentu Prevensaun Kombate VBJ iha studio RKDTL

Xefe Departamentu ne’e hatutan, formasaun sira sempre hala’o hela de’it, bainhira hare ba % husi Violensia Bazeia ba Jeneru ne’e aumenta nafatin tanba familia sira sei adopta hela sistema kultura,  bainhira minimiza kultura maka sei halo prevensaun husi faktor desigualdade.

Presidente Juventude Desenvolvimentu Nacional (JDN) Livorio da Silva hatete, JDN sempre servisu ho ONG sira fasilita formasaun ba komunidade jovens sira kona-ba igualdade bazeia ba jeneru nomos  asedu seksual , nune’e jovens sir abele foti asaun ba sira nia aan hodi bele mudansa no influensia mos ema seluk iha promove iguldade jeneru.

“Transformasaun ba jovens sira ne’e importante atu bele minimiza desiguldade sira ne’ebe mosu iha sosiedade nia le’et. Mosu desiguldade maka lori ona servisu domestiku ba iha inan feto sira, nune’e lakon mos  oportunidade ba servisu publiku sira. Dalabarak sosiedade sira toman ona ho moris kultura nian nafatin kontinua to’o jerasaun sira, tanba ne’e jovens sira maka tenke influensia barak atu bele halo mudansa , nune’e iha futuru bainhira sira forma familia rekonese ona lala’ok sira”. Tenik Presidente (JDN) iha sala studio RKDTL

Presidente (JDN) ne’e salienta, husi ekipa sei kontinua fasilita formasaun sira kona-ba prevensaun kombate Violensia domestiku nomos asedu seksual ba komunidade jovens sira, sei kopera ho SEI nomos organizasaun ou instituisaun relevante sira nune’e bele hapara violensia domestika iha sosiedade nian le’et.

Jornalista       : Jeraldino Magno & Efifania dos Santos

Editor             : RKDTL