Dili-22/07/2025-Média
Defisensia, Plan Internationál Timor-Leste (PITL), hamutuk ho
parseiru sosiedade sivil na'in-lima, realiza eventu Showcase no Diálogu ho tema
"Hatudu Respeitu, Kria Espasu ba Ema Hotu" iha Timor-Leste. Tanba
durante ne’e organizasaun sira halo advokasia ba igualdade no inkluzaun ne'ebé
favorese ba ema sira ho defisiensia no komunidade LGBTIQ+.
Diretora Plan
Internasional, Fatima Soares hatete, objetivu atu hanoin fali loron selebrasaun
ba EhD no Prait nian iha 4 Jullu liu ba, tanba loron ne’e importante mai hamutu
ONG nasional no local sira ita kontinua tau atensaun no fó oportunidade ba ema
hotu ho inkluzivu hodi halakon deskriminasaun.
“atividade loron ohin
ne’e atu halo selebrasaun fali loron ba
maluk defisiensia ne’ebé liu ona no selebra loron prait nian iha fulan kotuk
entaun ita mai hamutuk iha ne’e ho grupu interesadu sira hanesan organizasaun
sosiedade sivil no joventude sira oinsa atu loke espasu no promove inkluzaun
ne’ebé seguru liu. Ita nia atividade ne’e finansia husi uniaun europeia no
implementasaun husi Plan Internasional arkuiris no mos AHDMTL atu esplora
liutan tanlentu husi maluk defisiensia no komunidade LGBTIQ+ ne’ebé durante
ne’e sira iha area oinoin ohin sai hanesan pasu ne’ebé seguru oinsa iha dialogu
badak ne’ebé presensa husi LGBTIQ+,
defisensia no maluk PN representante husi deputada Parlamentu atu haree kona-ba
saida mak sai hanesan lakunas, dezafius. Ita presiza hamutuk hodi haree ba oin”,
Dehan Diretora PITL, Fatima iha Fundasaun Oriente, 21/07.
Diretora PITL akresenta
tan, Ita hamutuk haree dezafiu ne’ebé hasoru ne’e kuaze lubuk ida liuliu deskriminsaun
hasoru sira direta no indireta barak no violensia hasoru komunidade LGBTIQ+ no
maluk sira, ho defisensia nafatin la’o iha ita nia rai. PITL halo hamutuk ho
parseiru sira atu asegura maluk sira, hodi hetan oportunidade hanesan. Eventu
ne’e realiza hodi hasa’e konsiensia publiku nian no ita haforsa ekonomia sira
nian no atividade ne’e sei termina iha fulan Jullu. Maibé ba futuru PITL nafatin
hala’o servisu hamutuk ho ministeriu no
parte relevante sira.
Iha fatin hanesan,
Embaixadór Uniaun Europeia, Marc Fiedrich dehan, agradese no orgullu fó apoiu nafatin
ba Timor-Leste nia komprimisiu, hodi hakuak diversidade no promove inkluzaun, UE
kontete tebes rona PITL kontinua hala’o atividade ne’e iha rai-laran hodi
hamenu diskriminasaun ba Komunidade LGBTIQ+ no EhD.
“Hau orgullu no haree
husi atividade ne’e ema hotu bele asegura malu no respeita malu iha
dezenvolvimentu ba ema ida-idak nia an, komunidade no nasaun. Ita hotu iha ne’e
atu selebra no atu promove no respeitu ba ema hotu iha TL la haree ba abilidade
fizika no identidade ne’e hanesan solok boot ida atu halibur hamutuk iha fatin
ne’e. Ita hasoru malu hanesan okaziaun ne’ebé iha signifikativu halibur malu ba
futuru aseleradu loke potensia tomak ba povu timor oan iha sira nia diversidade”,
Tenik Embaixadór UE.
Entretantu, partisipa
iha atividade ne’e Parlamentu Nasional representante Deputada husi Bankada
Fretelin, Program maneger UE, Reprezentante Ministeriu Balun, EhD, ONG no
Komunidade LGBTIQ+.
Jornalista : Geraldino Magno
Editor : Média RKDTL
0 Comments