TINAN NE’E ADTL APOIU FUNDUS TO’O 10 MIL BA MEMBRU ORGANIZASAUN DEFISIENSIA SIRA

 

Dili-13/06/2025- Média Defisiensia, Asosiasaun Defisiensia Timor Leste ADTL hala'o enkontru hamutuk ho Membru Organizasaun Defisiensia sira ba dala 25 hodi diskute no hare ba susesu ne'ebé mak iha ona no mos problema mak iha hodi bele hadia iha futuru, atu bele garantia Dezenvolvimentu ida ne'ebé inkluzivu iha Timor Leste.

Ba Jornalista sira iha salaun TOWR Fatuhada Cesario da Silva hatete, iha atividade diskusaun ne'e fokus ba asuntu rua, Identifika Prioritáriu hodi kontinua advokasia ba Governu ba iha síklu OJE 2026.

Aleinde ne'e mós sensibiliza informasaun kona ba Fundus kiik ne'ebé ADTL iha ba nia membru Organizasaun Defisiensia sira.

“proimeiru ajenda ida ne’e ajenda kona ba enkontru trimestral membru ba dala 2025 nian, iha enkontru ne’ebé realiza ba dala 2025 ne’e foku de’it buat rua, ida mak identifika prioritariu sira hodi kontinua avokasia ba Governu iha dadauk siklu orsamentu Estadu 2026 nian. Segundu mak sensibiliza informasaun kona ba fundu ki’ik ne’ebé ADTL iha ba nia membru sira, entaun relasiona ho fundu ki’ik ne’ebé ADTL iha ba nia membru sira tinan ida ne’e periodu ida ne’e ba étapa daruak nian ho total fundus 77 mil ne’ebé sei apoiu ba organizasaun membru sira, fundus ne’ebé iha membru sira liu husi proposal corp atu hatama aplikasaun, aplika fundus ne’e rasik atu bele implementa sira nia mandatu sira ba iha sira nia membru sira no lori programa sira ne’ebé relasiona ho Defisiensia nian ba iha baze liuliu Direitu Ema ho Defisiensia sira nian  iha baze,” tenik Cesario da Silva 13/06.

Cesario hatutan, referensia ba etapa primeiru  nian organizasaun sira asesu to’o 5 mil de’it, tanba iha momentu ne’ebá ADTL  iha 50 mil itál de’it, maibé agora 77 mil tanba ne’e espera organizasaun sira sei bele hetan to’o 10 mil atu bele hala’o sira nia atividade.

Nia salienta, progresu Inkluzaun Defisiensia iha mudansa ona iha polítika sira, no Governu mos ratifika ona Konvensaun ONU ba direitu EhD nian, maibé iha situasau real faila iha implementasaun poítika sira, tanba ne’e iha inisiu relatariu ADTL sei relata maos difikuldade sira ne’e atu bele harahun bareira sira ne’ebé sei kontinua satan EhD iha prosesu Dezenvolvimentu Inkluzivu

“Enjeral liga ho asuntu inkluzaun Defisiensia progresu ne’ebé mak ita hare mak progresu sira ba iha mudansa polítika sira, Governu ratifika ona konvensaun ONU ba Direitu Ema ho Defisiensia, introdús programa oi-oin ba iha Inkluzaun Defisiensia, iha relasaun ida ne’e dezafiu maka implementasaun no alokasaun rekursu sira ba implementasaun polítika sira ne’ebé Governu hahú introdús ona, hanesan Edukasaun mak orientasaun edukasaun inkluziva ne’ebé orienta ema hotu ba eskola iha eskola ne’ebé hanesan, situasaun real maka manorin sira seidauk naton atu bele hanorin ema ho nesesidade espesiál sira, por ezemplu iha sira problema matan, tilun, eskokla sira seidauk bele akomoda tipu defisiensia hotu-hotu, porezemplu ita nia maluk sira ho kadeira roda sira la bele asesu ba eskola ne’ebé iha entaun ne’e difikuldade ida ne’ebé mak iha. Difikuldade lubk ne’e iha setór oi-oin, ami hanoin ami relata mos bainhira tia ratifika konvensaun ONU ba direitu Ema ho Defisiensia agora tina rua, ne’ebé relatoriu inisiu ami mos relata difikuldade sira ne’ebé mak kontinua satan ema ho defisiensia sira iha prosesu dezenvolvimentu,” hatutan nia.

Enkunatu iha fundus ne’ebé ADTL hetan hodi aloka mos ba iha Membru Organizasaun Defisiensia sira hamutuk 77 mil, ne’ebé apoiu husi Governu Australi iha Timor Leste.

No fundus ne’ebé ADTL sei aloka ba iha Membru Organizasaun Defisiensia sira ne’ebé sei aplika proposta ba, sei hahú iha fulan ne’e, hodi bele hala’o sira nia implementasaun atividade to’o fin do Ano tinan ne’e.

 

Jornalista                   : Alexandre & Efrosina S. Bráss

Editór                         : Média RKDTL