APC REJISTU EMA 2 MATE, UMA 22 HETAN ESTRAGUS

 

Dili-16/06/2025-Midia Defisiensia, Autoridade Protesaun Sivil iha loron 09-16 fulan Juñu tinan tinan ne’e, durante semana ida APC rejistu familia uma-ka’in hamutuk 22 hetan estragus husi dezastre naturais ne'ebé akontese iha munisipiu neen (6) iha semana ne’e.

Xefe Seksaun Komunikasaun APC,Genoveva Fernandes Almeida afirma, durante akontesementu dezastre iha munisipiu Neen, APC registu uma latama kriteria apoiu deit emerjensia uma 16 no numeru uma ne’ebé priense kriteria ka afetadu hamutuk 8, nune’e APC munisipiu apoiu kedas emerjensia ba vitima sira ne’ebé hetan dezastre.

"Durante semana ida nia laran iha munisipiu haat Autoridade Protesaun Sivil, Sekretariu Estadu Protesaun Sivil rejistu xefi familia uma-ka’in hamutuk 8 hetan estragus husi dezastre naturais, apoiu de’it emerjensia 16 ne'ebe akontese ba ema afetadu 126 no evakua 4", Dehan Xefe Seksaun Komunikasaun APC Kaikoli, 16/06.

Xefe Seksaun Komunikasaun APC hatutan, iha munisipiu 6 mak APC registu uma estragus 22 hetan estragus husi, anin sobu uma 9, rai halai uma 1 no ema 2 mate hahu dezastre ne’ebé akontese durante semana ida.

"Munisipiu 6 ne'ebé hetan estragus hanesan Munisípiu Baucau, Postu Baucau villa, Suku Bucoli, Aldeia Lulik henin, iha 31/05/2025 Akontese Anin sobu komunidade nia uma 1 hetan estragus aat kaman. Postu Quelecai, Suku Letemumo, Aldeia Letenei, iha 01/06/2025 Akontese anin sobu komunidade nia uma 1. Suku Abu, Aldeia Abu Matebian, iha loron 03/02/2025 Akontese anin sobu komunidade nia uma laat haat. Postu Venilale, Suku Bahamori, Aldeia Laku-uma, iha 22/05/2025 Akontese anin sobu komunidade nia uma 1. Postu Baguia, Suku Wakala, Aldeia Uwakala, iha 07/06/2025 Akontese anin sobu komunidade nia uma 1 hetan estragus a'at Kaman, Suku Larisula, Aldeia Lauhare, iha 10/06/2025 Akontese vitima alin feto ho naran epifania fernandes pinto tara na no agora dadaun mate isin hamutuk ona ho familia. Bobonaro, Postu Atabae, Suku Aidabaleten, Aldeia Harame, iha 13/06/2025 Akontese Ahi han komunidade nia uma 1 hetan a'at total. Ermera, Post Ermera, Suku Talimoro, Aldeia Moris foun, iha 27/04/2025 Akontese Anin sobu komunidade nia uma 1 hetan, Apoio emerjensia deit. Suku Poetete, Aldeia Samatrae, iha 12/04/2025 Akontese Rai halai sobu komunidade nia uma 1 hetan Apoio emerjensia deit. Suku Mertutu, Aldeia Railori, iha 18/04/2025 Akontese Anin sobu komunidade nia uma 1. Suku Poetete, Aldeia Likisi, iha 03/04/2025 Akontese Ahi han komunidade nia uma 1 hetan Apoio emerjensia deit aumenta uma dapur. Suku Lauala, Aldeia Ervilhat, iha 18/04/2025 Akontese Anin sobu komunidade nia uma 1 hetan Apoio emerjénsia de'it. Munisípiu Manufahi, Post Alas, Suku Dotik, Aldeia Lakaluan, iha 12/06/2025 Akontese Be'e Sae komunidade nia uma 4 hetan Apoioemergensia deit. Suku Mahakidan, Aldeia tahu ben, iha 12/06/2025 Akontese Be'e Sae komunidade nia uma 4 hetan Apoio emerjensia deit. Suku Betano, Aldeia Silihasan, iha 12/06/2025 Akontese Be'e Sae komunidade nia uma 1 hetan Apoio emergensia deit. RAEOA, Sub Rejiaun Pante Makassar, Suku Costa, Aldeia Xanane, iha loron 09/06/2025 akontese Ahi han komunidade nia uma 1 hetan estragus a'at total. Suku Taiboco, Aldeia Makelab, iha 11/06/2025 akontese Anin sobu komunidade nia uma 1 La tama kategoria, hetan deit apoio emerjensia no Viqueque, Post Viqueque, Suku Luka, Aldeia iramer, iha 11/06/2025 akontese lafaek tata ita nia sidadaun 1buka sei dauk hetan”, Tenik Xefe Seksaun no Komunikasaun APC.

Entretantu, vitima ba dezastre naturais sira oras ne’e hetan ona apoiu emerjensia husi komandu APC ho parseriu relevante sira  iha munisipiu ida-dak apoiu aihan no la’os aihan, no komandu operasional autoridade protesaun sivil  iha munisipiu sira sei kontinua halo levantamentu dadus ba uma-ka’in ne’ebé hetan estragus makas no uma kain ne’ebé hetan estragus naton.

Jornalista : Geraldino Magno

Editor       : Média RKDTL