Dili-25/06/2025-Média
Defisensia, Cruz Vermelha Timor-Leste (CVTL),
realiza aniversariu ba ezistensia iha Timor-Leste ba dala 25, konsege tulu no
fó apoiu ba komunidade sira hotu liuhusi dezastre no atividade seluk.
Prezidente CVTL, Madalena
Fernandes Hanjan Soares, hatete atividade selebrasaun CVTL halo on aba idade
25, durante ne’e hala’o knaar hodi fó asistensia ba komunidade sira liuhusi
dezatre sira ne’ebé akontese iha rai-laran.
“Ohin halo selebrasaun 25
anos katak selebra juveleu osan mutin ba iha CVTL depois hetan independensia 2002 ho ida ne’e
durante ne’e CVTL halo nia knar hahu tempu susar ho situasaun ne’ebé presiza
apoiu komunidade iha timor laran tomak no komesa halao servisu tuir regras CVTL
nian no kumpri tuir no sai membru 83 iha Jenebra durante ne’e cvtl hala’o
servisu makas tebes hodi apoiu governu hanesan auxiliariu iha situasaun krizi
nia laran CVTL halao servisu hanesan Covid-19, bee sa’e no amu papa nia vizita
iha TL CVTL nia membru servisu voluntariu ne’e la para”, Dehan Prezidente CVTL
iha Salaun CVTL Formoza Dili, 24/06.
Hatutan tan Prezidente
CVTL, katak sira nafatin mantein maturnidade hodi apoiu komunidade sira iha
Timor-Leste iha situasaun difisil sira, tanba papél CVTL nian mai ho lema Mantein
Umanidade Moris nian.
“Ami mantein nafatin
kontinuidade hodi apoiu ba komunidade
populasaun iha situasaun saida de’it ho idade 25, CVTL mantein ho nia maturnidade halao nafatin
servisu hodi suporta dezenvolvimentu iha TL ba iha situasaun difisil liu. Hanesan
dada bee moos ba komunidade, fó ran ba iha mobilizasaun sira ne’ebé moras
presiza ran, apoiu joven sira atu sai produtivu ne’e sai hanesan papél no knar
umanidade atu mantein independente iha TL no luta hodi sai husi buat barak
ne’ebé ita hasoru no hasa’e rejilensia ba iha komunidade liuliu ba situasaun
moris loronlorn nian”, Sublina Prezidente CVTL.
Iha fatin hanesan
Prezidente APC, Jesuino dos Reis de Matos Carvalho, lori govenu nia naran fó kongratula ba CVTL nia ezistensia iha
Timor-Leste tanba durante ne’e servi ho voluntariu ba komunidade sira iha
situasaun difisil sira. Tanba ho anoiversariu ne’e mós CVTL atu halo reflesaun
ba sira nia atividade durante ne’e halao ona iha baze.
“Hau kongratula ba CVTL
nia aniversariu espera sira bele halo reflesaun ba atividade tomak ne’ebé sira
halo, liuliu CVTL dala barak halo servisu ba doasaun inklui voluntariu barak
sira halo servisu, hodi ekoraja ema barak atu partisipa liuliu ba komunidade
sira atu kuidadu aan no prevene ba buat sira ne’ebé mak hamosu dezastre ba sira. Ho reflesaun
ne’e importante halo iha aniversariu ne’e atu kompleta di’ak liu tan. CVTL
harii no inisia voluntariu ne’ebé mak
hodi harii ita nia rai. Hau reprezentante governu enkoraza sira atu
mantein nafatin lema “umanidade moris nian”, ne’e importante ba sira
bele iha planu ba oin, hodi haree prosesu sira la’o iha liur no governu apresia
durante ne’e CVTL mós atu kompleta tan governu nia programa sira ba fó
asistensia ba komunidade sira”, Tenik Prezidente APC.
Entretantu, CVTL nia funsionariu
hahu inisiu ho funsionariu 16 no agora aumeta ba 200, hodi aloka 40 servisu iha
Dili no restu iha munisipiu sira hotu, inklui kobre tan maluk voluntariu sira
kada munisipiu no iha Dili numeru boot tebes kada tinan sempre aumenta
Voluntariu barak hodi hala’o servisu sira tuir Papél CVTL nian iha baze.
Jornalista : Geraldino Magno
Editor :
Média RKDTL
0 Comments