AHISAUN HALO SOSIALIZASAUN NO ASAUN KARIDADE BA MALUK DEFISENSIA IHA SUKU EUQUESI

Dili-24/06/2025-Média Defisensia, Fundasaun AHISAUN halo sosializasaun ba Ema ho Defisiensia iha Suku Euquesi, Postu Lautem, Munisipiu Lautem, hodi fahe informasaun ba maluk defoisiensia ne’ebé sedauk hetan oportunidade durante ne’e no halo asaun karaidade.

Chefi suku Euquesi, Postu Lautem  Cristovão Veira, fó agradese ba Fundasaun Ahisaun bele vizita ona maluk defsiensia sira iha suku Euquesi, hanesan domin ida ba maluk defsiensia sira. Tanba durante ne’e sedauk iha organizasaun defsiensia mak  vizita maluk sira iha suku refere, foin preimeira vez maluk defisiensia sira mai vizita maluk defsiensia iha baze.

“Dadus ne’ebé sira iha  sanulu resin ida, balu asesu ba iha subsidiu defsiensia nian, no balun sedauk asesu ba subsidiu inklui balu dokumentu sei prosesu hela iha Ministeriu Solidariedade Sosial no Inkluzaun. Defsiensia barak mak la sesu ba edukasaun. Tanba kondisaun defisiensia, no balu familia la hatan sira ba eskola, nomos distansia eskola dook, defisiensia balun labele la’o no toba deit iha fatin. Defisiensia barak mak seidauk hetan apoiu hanesan ekipamentu sira para atu tulun sira atu halo movomentu, liu-liu hanesan kadeira roda, no ai-tonkak , entaun susar los ba defsiensia sira nia movimentu. Ami servisu hamutuk ho sosial, maibe husi parte sosial haree ba de’it defsiensia sira nia subsidiu, kona-ba ekipamentu sira haensan kadeira roda no ai-tonkat sira la apoiu ba defsiensia sira”, Dehan Xefe Suku Euquesi iha Suku Euquesi, 23/06.

Iha fatin hanesan Program Manejer AHISAUN, Agostinho do Rego hatete,  atividade  sosializasaun, no vizita ne’e hanesan domin ne’ebé kiik liuhusi asaun karaidade, hodi oferese ba maluk defsiensia sira iha suku Euquesi.

“Objektivu husi sosializasaun ida-ne’e hodi fahe imformaaun ba autoridade lokal nomos komunidade inklui familia defsiensia sira, no ema ho defsiensia sira asesu ba eskola, no subsidiu, no halo asaun karaitativa ba maluk defisiensia iha Munisipiu Lautem, Postu Lautem, Suku Euquesi”, Tenik Program Manejer.

Rekomendasaun husi Xefe Suku Euquesi ba parte Governu no organizasaun ne’ebé tau matan defisensia sira iha nasional, liu-liu ba  Fundasaun Ahisaun bele koopera  ho CNR atu apoiu netik ekipamentu balun hanesan kadeira roda no mos ai-tonkat, ba maluk defsiensia sira iha munisipiu Lautem, Postu Laivai, suku Euquesi, hodi tulu netik maluk defisiensia sira ne’ebé dadaun ne’e presiza tebes ekipamentus sira.

Jornalista  : Eufrozina Braz

Editor        : Média RKDTL