Dili-18/06/2025-Média Defisénsia, Sekretariu Estadu Komunikasaun Sosial (SEKOMS), liuhui Direktor Jeral SEKOMS abertura formasaun sistema SDII ne’ebé fasilita husi Ajensia Tik Timor ba Asosiaun, no média sira iha Timor-Leste hodi bele utiliza Sistema Diziminasaun Informasaun Integradu.
Diretor Jeral SEKOMS,
Florindo da Costa hatete, apresia tebes ba Tiktimor bele kria sistema ida-ne’e
hodi fasilita asosiasaun no média sira bele utiliza iha future, hodi fahe
informasaun ba audiensia sira liuhusi kanal SDII nian, nune’e públiku bele
haree no asesu ba informasaun sira no asesu ba karta konvite sira.
“Objetivu husi
formasaun ne’e atu introdus SDII ba média, instituisaun relevante sira tenke
hatene forma ida ne’ebé bele asesu ba, bainhira iha eventu ruma iha liña
ministeriais sira atu konvida média sira la presiza liuhusi karta sira utiliza
de’it sistema SDII média sira no liña ofisiais sira hatene no fahe informasaun
liuhusi sistema ne’e no ita bele hatene ona eventu no atividade sira iha fatin
ne’e. Nune’e husi SDII bele ajuda ita redus sosa hafes no gasta transporte mina
ba mai no hafasil ita atu bele komunika ho ema boot sira bainhira ita atu halo entrevista
ho sira fasil liu”, Dehan DJ SEKOMS iha Salaun SEI, 17/06.
Hatutan tan Diretor
jeral SECOMS, iha planu rasik iha IX governu
konstituisional ne’e iha responsabilidade boot, hodi hamosu atividade sira atu hafasil
média sira atu habelar informasaun ba publiku husi Sistema SDII.
“Ami garante katak
sistema SDII ne’e bele tulun média sira sistema refere média sira mak bele
utiliza hodi fahe informasaun, audiensia bainbain labele uza sira bele asesu
deit informasaun maibé sira labele hato’o informasaun liuhusi sistema SDII. Média
sira mak uza ba marka audiensia bainhira presiza atu entrevista ho membru
governu ruma bele marka audiensia liuhusi sistema SDII no ita bele simu kedas
nia resposta”, Esplika DJ SEKOMS.
Iha fatin hanesan
Formdór Ajensia Tik Timor IT, Tiago dos Santo Fernandes, dehan Sistema Diziminasaun Informasaun
Integradu sei lori benefisiu di’ak ba média sira no ba instituisaun governu,
hodi fahe informasaun ba malu liuhusi sistema refere.
“Benefísiu husi
formasaun ne’e mak oinsa ita atu hasa’e koñesimentu jornalista sira nia liuhis
média ida-idak nune’e sir abele utiliza no jere rasik sistema SDII integradu,
nune’e bele fasilita sira nia servisu liuliu servisu administrasaun relasiona
ho marka audiensia ho nai ulun sira parte governu nia ita bele liuhusi plataforma
ne’e. Sistema bele utiliza iha
telemovel, komputadór maibé uza user name no password ne’e sei kontrola husi
parte SECOMS se mak bele asesu no se mak labele asesu”, Tenik Formdór Ajensia
Tik Timor IT .
Entretantu, materia
sira ne’ebé fahe liuliu kona-ba sistema SDII oinsa atu utiliza sistema refere
no kria pedidu audiensia liuhusi sistema, nune’e formasaun remata formandu sira
bele jere rasik sistema ne’e no sistema bele asesu liuhusi pontu fokal, parte
governu no média inklui funsionariu sira atu fasilita sira utiliza sistema
refere, tanba iha sistema ne’e bele gia informasaun hotu ho balansu iha sistema
laran audiensia bele asesu.
Jornalista : Geraldino Magno
Editor
: Média RKDTL
0 Comments