Dili-25/06/2025-Media Defisiensia, Sekretaria Estadu Komunikasaun Sosial (SECOMS) hala’o enkontru mensal ho Diretor/a informasaun no Xefe redasaun kona-ba revizaun lei Komunikasaun Sosial, no programa espesiál bolsu estudu ba jornalista timoroan sira, hodi ba estuda iha Universidade Katolika (UCT) no Universidade Nacional Timor Lorosa’e (UNTL).
Sekretaria
Estadu Komunikasaun Sosial, Expedito Loro dias Ximenes hatete, enkontru ida-ne’e
haree ba faze revizaun lei komunikasaun sosial nian. Tanba lei anterior antigu
ona balun la korresponde ho infomasaun no situasaun atual iha territoriu
Timor-Leste.
“Lei
komunikasaun social ne’ebé produz iha 2014 seidauk desenvolvimentu ba plataforma
digital seidauk barak, tanba ne’e iha revizaun ida ne’e atu kria atigu no
kompetensial ba konsellu imprensa, hodi
bele halo monitorizasaun ba produtu jornalistiku ne’ebé hasai husi plataforma
digital online. Iha lei anterior lei komunikasaun ida ne’e laiha, konsellu
imprensa laiha kompetensia atu bele halo monitorizasaun ba produtu jornalistiku”, Dehan SECOMS Expedito
Ximenes ba jornalista iha salaun DNDM-SECOMS, 23/06.
Sekretaria
estadu hatutan, liuhusi plataforma sira hotu simu ona pedidu husi Konsellu
Imprensa, bele halo desenvolvimentu produtu jornalistiku liuliu dijital online
tanba ne’e presija revizaun ho media nain sira hotu.
Entretantu,
enkontru refere hala’o entre SECOMS no Média iha salaun DNDM-SECOMS
partisipa husi Konsellu Imprensa, no
reprezentante média nasional sira. SECOMS ho média sira koalia asuntu haat (4)
importante. Revizaun lei komunikasaun sosial, Programa bolus estudu ba
jornalista, Atualiza eventu internasional 4a Conferencia das Comunidades Luso
Asiaticas (APCC), nomos Timor-Leste sai uma-na’in ba eventu internasionál XII
jogu CPLP.
Jornalista : Geraldino Magno
Editor : Média RKDTL
0 Comments