PR KONDEKORA EMBAIXADÓR BRUNEI HO KOLAR ORDEN, REKOÑESE BA SERVISU DIPLOMÁTIKU ESEPSIONÁL IHA TL

Dili-30/05/2025-Média Defisiensia, Prezidente Republika Demokratika Timor-Leste, Selebra Desizaun Istóriku Adezaun ASEAN nian no Kondekora Embaixadór Brunei ho Kolar Orden Timor-Leste’

Prezidente Republika no Laureadu Nobel ba Pás, José Ramos-Horta, sai uma-na’in ba Cocktail informál ida ba Embaixadór sira ASEAN nian hodi komemora desizaun istóriku ba admisaun TL, nu’udar membru Asosiasaun Nasaun Sudeste Aziatiku ba dala 11. Durante serimónia ne’e, PR kondekora mós Kolár Orden Timor-Leste ne’ebé prestijiozu ba, Embaixadór Extraordináriu no Plenipotentsiáriu Brunei iha Timor-Leste.

“Agradesimentu profundu ba Estadu-membru ASEAN hotu-hotu ba sira-nia solidariedade no apoiu ne’ebé metin durante jornada adezaun Timor-Leste nian, no mós ba parseiru dezenvolvimentu sira ba kompromisu kontínua. Kondekora Kolár Orden Timor-Leste ne’ebé prestijiozu ba Wan Hadfi Lutfan bin Haji Abdul Latif, Embaixadór Extraordináriu no Plenipotentsiáriu Brunei Darussalam maiTimor-Leste”, Deha PR iha Palásiu Prezidensial, Dili, 28/05.

Prezidente Republika hatutan tan, Selebrasaun ne’e realiza hafoin Deklarasaun importante husi Prezidente ASEAN nian ne’ebé fó sai iha Simeira ASEAN ba dala 46 iha Kuala Lumpur, Malázia, iha loron 26-27 fulan-maiu tinan 2025, ne’ebé anunsiu ofisialmente desizaun kolektiva Líder ASEAN sira, hodi admite Timor-Leste nu’udar Estadu-membru organizasaun  ba dala 11. Adezaun kompletu sei formaliza iha Simeira ASEAN ba dala 47 ne’ebé programa ona ba fulan Outubru 2025”.

“Hau nia diskusaun inisiál ho Ministru Negósiu Estranjeiru Indonézia nian, Adam Malik, iha Jakarta iha tinan 1974, no formaliza liuhusi karta intensaun Timor-Leste nian atu adere ba ASEAN iha tinan 2011. Admisaun ne’e reprezenta konkretizasaun mehi ida ne’ebé hahú liu tinan 50 liubá no no reflete dedikasaun metin husi líder Timor oan sira, molok no agora, ne’ebé fiar ba vizaun ASEAN nian. Ohin ita selebra la’ós de’it ita-nia admisaun, maibé ita-nia kompromisu atu servisu maka’as liután bainhira ita prepara atu kontribui ba komunidade ASEAN nia prosperidade komún no estabilidade rejionál. No Kondekora Kolár Orden Timor-Leste nian, nu’udar rekoñesimentu ba ninia servisu diplomátiku esepsionál dezde aprezenta karta kredensiál iha loron 15 fulan-jullu 2020”, Afirma PR.

Iha Embaixadór Wan Hadfi nia mandatu, relasaun bilateral entre Timor-Leste ho Brunei Darussalam hetan progresu ne’ebé laiha presedente liu husi vizita estadu resíproku entre Sua Majestade Sultan Brunei nian ho Prezidente Ramos-Horta, interkámbiu ministeriál estratéjiku sira, no asinatura akórdu importante sira ne’ebé kobre servisu aéreu, rekrutamentu trabalhador, no ezensaun vistu.

“Embaixadór Wan Hadfi Lutfan exemplifika tradisaun diplomasia ne’ebé di’ak liu husi nia servisu dedikadu hodi hametin ligasaun entre Timor-Leste ho Brunei Darussalam. Nia esforsu sira iha tinan rua ne’e kria ona fundasaun ba kooperasaun ne’ebé sei benefísia ita-nia povu rua ba jerasaun sira tuir mai”, Tenik PR.

Entretantu, durante nia mandatu inklui reforsa kooperasaun iha ensinu superiór atraves projetu revizaun polítika TVET SEAMEO VOCTECH nian, kolaborasaun kuidadu saúde nian ne’ebé rezulta iha akreditasaun provizóriu ba Sentru Médiku Dili, habelar parseria setór privadu nian ne’ebé aumenta ne’ebé lidera husi kompañia sira hanesan Daikyo Industrial Gas, no partisipasaun inaugural Timor-Leste nian iha Konsellu Negosiu BIMP-EAGA. Timor-Leste agora prontu atu asume nia responsabilidade tomak nu’udar membru ASEAN no kontribui ho atu hodi harii komunidade ASEAN ne’ebé unidu, pasífiku, no reziliente.

Jornalista : Asesu lihusi Komunikadu Impreza pajina PR

Editor  : Média RKDTL