APC REGISTU UMA IDA ESTRAGUS TOTAL, MATE IDA NO LAKON IDA

 

Dili-12/05/2025-Midia Defisiensia, Autoridade Protesaun Sivil iha loron 05  to’o 12 fualn Maio 2025, durante semana ida rejistu familia uma-ka’in hamutuk 3 hetan estragus husi dezastre, ne'ebé akontese iha munisipiu Lima (5).

Xefe Relasaun Externa no Komunikasaun APC, Nelson de Jesus Orleans afirma, durante akontesementu dezastre iha munisipiu 5, APC registu uma latama kriteria apoiu deit emerjensia uma 2, no uma ne’ebé priense kriteria ka afetadu hamutuk 1, nune’e APC munisipiu apoiu kedas emerjensia ba vitima sira ne’ebé hetan dezastre.

"Durante semana ida nia laran iha munisipiu lima Autoridade Protesaun Sivil, rejistu xefi familia uma-ka’in hamutuk 3 hetan estragus, husi dezastre naturais ne'ebé akontese ba ema afetadu 15, ema evakua laiha, mate 1 no  lakon 1, Dehan Xefe Relasaun Externa APC iha Salaun Konferensia APC Kaikoli, 12/05.

Xefe Relasaun Externa hatutan, iha Munisipiu Ualu mak APC registu uma 3 ne’ebé hetan estragus husi, anin sobu uma 3, mate 1 no lakon 1, uma hetan estragus no ema mate husi dezastre ne’ebé akontese durante semana ida.

"Munisipiu Ualu ne'ebé hetan estragus hanesa Municipiu Baucau, Postu Baguia, Suku Larisula, Aldeia Titiloso, iha loron 05/03/2025 akontese ba vitima nain ida lakon to'o agora seidauk hetan. Lautem, Pos Luro, Suku Afabubo, Aldeia Jefaliu, iha loron 05/03/2025 akontese ba vitima nain ida mate, tanba mota bo'ot lori. Liquiça, Pos Liquiça, Suku Loidahar, Aldeia Manukolohata, iha loron 07/05/2025 akontese anin sobu komunidade nia uma ida, la prienxe kriteria, apoiu deit emerjensia. Manufahi, Postu Same, Suku Betano, Aldeia Selihasan, Iha Loron 01/05/2025 anin sobu komunidade nia uma ida a’at kman no RAEOA, Sub. Região Pante Makasar, Suku Bobocase, Aldeia Bihala, iha loron 02/05/2025, anin sobu komunidade nia uma ida, maibé hetan de’it apoíu Emergensia tanba latama kriteria”, Tenik Xefe Relasaun Externa no Komunikasaun APC

Entretantu, vitima ba dezastre naturais sira oras ne’e hetan ona apoiu emerjensia husi komandu APC ho parseriu relevante sira, iha munisipiu ida-idak apoiu ai-han no laos aihan, komandu operasional Autoridade Protesaun Sivil  iha munisipiu sira sei, kontinua halo levantamentu dadus ba uma-ka’in ne’ebé hetan estragus makas, no uma kain ne’ebé hetan estragus naton, bele hetan apoiu iha faze tuir mai.

Jornalista : Geraldino Magno

Editor       : Média RKDTL