APC REGISTU MATE RUA NO UMA 6 HETAN ESTRAGUS TOTAL

 

Dili-12/05/2025-Midia Defisiensia, Autoridade Protesaun Sivil iha loron 28  fulan Abril to’o 05 Maio 2025, durante semana ida rejistu familia uma-ka’in hamutuk 30 hetan estragus husi dezastre, ne'ebé akontese iha munisipiu Lima (5).

Xefe Relasaun Externa no Komunikasaun APC, Nelson de Jesus Orleans afirma, durante akontesementu dezastre iha munisipiu 5, APC registu uma latama kriteria apoiu deit emerjensia uma 24, no uma ne’ebé priense kriteria ka afetadu hamutuk 6, nune’e APC munisipiu apoiu kedas emerjensia ba vitima sira ne’ebé hetan dezastre.

"Durante semana ida nia laran iha munisipiu lima Autoridade Protesaun Sivil, rejistu xefi familia uma-ka’in hamutuk 30 hetan estragus, husi dezastre naturais ne'ebé akontese ba ema afetadu 137 no ema evakua 44", Dehan Xefe Relasaun Externa APC iha Salaun Konferensia APC Kaikoli, 05/05.

Xefe Relasaun Externa hatutan, iha Munisipiu Ualu mak APC registu uma 30 ne’ebé hetan estragus husi, anin sobu 1, ahi han 5, Bee sae 20, mate 2 no kanek 2, uma hetan estragus no ema mate husi dezastre ne’ebé akontese durante semana ida.

"Munisipiu Ualu ne'ebé hetan estragus hanesa Municipiu Bobonaro, Postu Balibo, Suku Sanirin, Aldeia Subalesu, iha loron 30/04/2025 akontese ema 1 mout iha tasi baliza ho lagoa bemalae, vitima ho naran Ferdy Pereira, tinan 41. Municipiu Liquiça, Postu Liquiça Villa, Suku Dato, Aldeia Lebuhei, iha loron 27/04/2025 akontese Ahi han komunidade nía uma ida, att total. vitima evakua ba maun nia uma. Postu Bazartete, loron 04 Maio 2025, Iha Municipiu Liquiça, Posto Bazartete, Suku Maumeta, Aldeia Nartuto. Akontese ahi Eletrisidade soke alin mane ida iha Mercado Liquiça, resulta vitima mate fatin. Maske komunidade sira tenta lori ba Centro Saúde Liquiça la konsege salva nia vida. Municipiu Manufahi, Postu Same, Suku Betano, Aldeia Selihasan, iha loron 01/05/2025 akontese be'e sae uma 19, latama kategoria hetan deit apoio emergensia. Municipiu Manatotu, Postu Laclubar, Suku Manelima, Aldeia Lacenon, iha loron 29/04/2025 akontese Ahi han komunidade nia uma ida, kauza husi sercuitu eletrisidade husi akontesemento ida nee ahi han mos vitima ho naran Pascoal Soares idade 39 vitima evakua ona mai Hospital HNGV. Postu Laclo, Suku Uma Kaduak, Aldeia Rubitigion, iha loron 15/01/2025 akontese Anin sobu komunidade nía uma ida, att total. vitima evakua ba familia nia uma. Suku Laku mesak, Aldeia Hatu - conan, iha loron 04/04/2025 akontese Ahi han komunidade nia uma ida, att total. vitima evakua ba familia nia uma. Municipiu Viqueque, Postu Viqueque, Suku Fatudere, Aldeia Terica, iha loron 28/04/2025 akontese ahí han uma tos, hodi resulta inan feton Jacinta Amaral hetan kanek iha parte oin. Suku Uma-kik, Aldeia Bahabunac, iha loron 02/05/2025 akontese ahi han komunidade nia uma ida at nia uma, total,vitima evakua ba familia Suku Bahalarawain, Aldeia Aidac, iha loron 04/05/2025 akontese udan boot estraga komunidade nia uma ida at total, vitima evakua ba familia nia uma”, Tenik Xefe Relasaun Externa no Komunikasaun APC.

Entretantu, vitima ba dezastre naturais sira oras ne’e hetan ona apoiu emerjensia husi komandu APC ho parseriu relevante sira, iha munisipiu ida-idak apoiu ai-han no laos aihan, komandu operasional Autoridade Protesaun Sivil  iha munisipiu sira sei, kontinua halo levantamentu dadus ba uma-ka’in ne’ebé hetan estragus makas, no uma kain ne’ebé hetan estragus naton, bele hetan apoiu iha faze tuir mai.

Jornalista : Geraldino Magno

Editor       : Média RKDTL