GOVERNO REALIZA WORSHOP RELASIONA TPA BA DISPUTA KOMERSIU INVESTIMENTU INTERNASIONAL IHA TL

Dili-14/05/2025-Média Defisiensia, Governu liuhusi Vise-Primeiro Ministro no Ministro Koordenadór ba Asunto Ekonomia no MTA hamutuk ho Diresaun Jeral ba Asuntu ASEAN realiza worshop kona-ba Mekanizmu Tribunal Permanente Arbitanjen ba Disputa Komersiu no Investimentu Internasional nian.

Vise-PM no Ministro Koordenadór ba Asunto Ekonomia, Francisco Kalbuadi Lay, hatete atividade seminar ho objetivu atu aumenta koñesimentu no papél Tribunál Permanente Arbitrajen nian, oinsă Timor-Leste bele asesu investimentu estranjeiru no komérsiu iha rai-laran.

“Objetivu prinsipál mak atu aumenta ita-nia koñesimentu kona ba papél Tribunál Permanente Arbitrajen nian, oinsă Timor-Leste bele asesu ho efetivu ba mekanizmu sira ba rezolusaun disputa sira, partikularmente investimentu estranjeiru no komérsiu nian, no ikusliu mak atu explora apolu sira ne'ebé TPA iha hanesan iha parte harmonizasaun instrumentu legál sıra”, Dehan Vise-PM, MKAE no MTA iha Salaun CCD Merkado Lama, 14/05.

   

Vise-Primeiro Ministro no Ministro Koordenadór ba Asunto Ekonomia no MTA, hatutan tan agradese ba Vise-Sekretáriu-Jerál husi TPA, ba prontidade no disponibilidade atu fahe esperiénsia no koñesimentu iha semináriu ne'e, tanba sira-nia esperiensia iha litijiu ne'ebé envolve Tratadu Tasi Timor no kazu seluk ne'ebé relevante internasionálmente sai valiozu ba ema hotu, no rezolusaun pasifiku ba disputa sira ba dezenvolvimentu no estabilidade.

“Ha'u hato'o benvindu ba ita-bo'ot sira hotu seminariu ne’e importante ba Tribunál Permanente ba Arbitrajen. Prezensa ita-bo’ot sira nian hatudu rekoñesimentu ba importánsia husi lei internasionál no rezolusaun pasifiku ba disputa sira ba dezenvolvimentu no estabilidade ba ita-nia rai. Iha tinan 2024, Timor-Leste sai ona membru ba dala 123 ba Tribunál Permanente Arbitrajen, marka pasu signifikativu ida iha ita-nia kompromisu iha orden juridiku internasional no adere ba iha rézolusaun pasifiku ba deputa sira pasu estratéiku, hanesan evidensia husi adezaun tinan kotuk ba Organizasaun Mundial Komersiu no iha tempu badak ita nia  integrasaun ba Asosiasaun Nasaun Sudeste Aziátu. Timor-Leste nia partisipasaun iha Tribunal Permanente Arbitrajen la’os hametin konfiansa komunidade internasional nian atu envolve iha atividade komersial iha ita-nia rai, organizasaun internasionál sira no entidade privada sira, liuhusi mekanizmu sira hanesan arbitrajen, mediasaun, konsiliasaun no verifikasoun faktu”, Tenik V-PM no MAKE Lay.

Entretantu, atividade worshop hetan kolaborasaun hamutuk ho Gabinete, Ministinu Justisa Ministériu Negósiu Estranjeiru no Gabinete Primeiru-Ministru, hodi organiza eventu importante ida ne'e. Worshop sei fahe esperénsa no koñesimentu husi Vise-Sekretáriu-Jerál husi TPA, Garth Schofield no Martin Doe, husi semináriu ne'e fiar katak sei kontribui signifikativamente ba komprensaun kona-ba Tribunal Permanente ba Arbitrajen nia papél no mekanizmu rezolusaun pasifiku ba disputa intemasional sira.

Jornalista  : Geraldino Magno

Editor   : Média RKDTL