MTK NOMEIA PESOAL NAIN-LIMA BA DIRESAUN TRANSPORTE NO KOMUNIKASAUN IHA MUNISIPIU LIMA

 

Dili-29/04/2025-Média Defisensia, Ministeriu Transporte no Komunikasaun (MTK), realiza atividade serimonia estabelesimentu diresaun Munisipál Transporte no Komunikasaun,  hodi nomeia diretores nain-lima ba iha munisipiu lima, hahu mandatu husi 31 Abril to’o 31 Dezembro 2025.

Ministru Transporte no Komunikasaun, Miguel Marques Gonçalves Manetelo, hatete ohin estabelese diresaun MTK iha munisipiu lima, hodi prepara ba dezentralizasaun, tanba durante ne’e laiha diresaun servisu refere.   

“Estabelese diresaun servisu munisipál sira, hodi halo preparaaun ba dezentralizasaun kompleta munisipiu lima (5). Durante ne’e  laiha diresaun servisu Munisipál Transporte no Komunikasaun nian. Baseia ba despaixu públiku halo nomeasaun ba diretores 5 ba hala’o knaar iha Munisipiu lima hanesan Aileu, Ainaro, Ermera, Lquisa, no Manatutu. Durante mandatu hahu, sei haree ba oportunidade meritus no Funsaun Públuku halo estensaun ba mandatu fulan, hodi hein prosesu tuir mai”, Dehan Ministru MTK iha Salaun MTK Kaikoli, Dili 29/04.

Ministru MTK hatutan tan, atividade transporte no komunikasaun iha Oecusse karta kondusaun no sapa matrikula.  Tanba karta kondusaun sai rua kedas presiza hadia,  tanba TL lakleur tan sadere ba ASEAN.

“Iha Oecusse iha buat rua mak tenki harmoniza fali hanesan karta kondusaun no sapa matrikul, tanba lakleur sei sadere ba Asean, iha karta kondusaun ida, bele funsaun iha nasaun membru sira, Timor-Leste labele sai karta kondusaun rua, halo sai ida de’it, inklui sapa matrikula atu hree ida de’it iha Timor-Leste, mesmu iha RAEOA, maibé servisu ba Transporte Komunikasaun Nasional mak haree”, Esplika Ministru MTK.

Iha fatin hanesan Diretora MTK Munisipiu Ainaro, Maria Marcela Corte-Real, agradese ba parte relevante sira hotu ba konfiansa ne’ebé sira simu. Protu atu servisu hamutuk ho Prezidente Autoridade Minisipiu no parte hotu, hodi kontribui ba prosesu dezenvolvimentu iha rai-laran liuliu Munisipiu Ainaro.

“Hau agradese ba Maromak, no ba nai-ulun sira tanba bele fó konfiansa  hau bele sai direitora ba Transport Komunikasaun, tanba durante ne’e haree husi munisipiu ne’e diresaun laiha tenki mai trata dokumentus iha nasional, maibé ikus realiza dunik mehi ne’ebé mak servisu munisipiu nian. Bainhira hala’o ona knaar iha munisipiu ami sei servisu hamutuk ho Prezidente Autoridade Munisipiu, Parte Relevante no Polísia Tranzitu sira sei halo servisu hamutuk koordena di’ak liu tan hodi dezenvolvel ida-idak nia munisipiu”, Tenik Diretora MTK Munisipiu Ainaro.

Jornalista : Eufrozina Braz

Editor       : Média RKDTL