KI HO ABCID FASILITA FORMASAUN BA JORNALISTA RELASIONA KUIDADU AN IHA ESPASU ONLINE

 

AINARO-10/03/2025-Média Defisiensia, Konsellu Imprensa hamutuk ho ABCID International Development fasilita formasaun ba jornalista hamutuk 16 kona-ba kuidadu an rasik iha espasu online, hodi defende verdade kombate dezinformasaun no asegura seguransa online.

Prezidente Konsellu Imprensa, Otelio Ote, hatete agradese ba ABCID ba fasilita formasaun ne’e atu aumenta koñesimentu no vizaun ba oin, no foka liu ba Jornalista sira atu jere nia an iha autorizasaun média sosial liuliu asesu informasaun sira iha média sosial.

“Formasaun atu aumenta koñesimentu no vizaun ba oin tanba ema fó ameasa ba notísia sira liuhusi eskrita, audio facebook no whatsaap ida-ne’e ezemplu ida atu  limita  jornalista sira halo kobertura  sensor ba aktivista halo komunikasaun. Ida seluk mós ameasa ba nia tanba ne’e mak jornalista sira tenke hatene oinsa bele ameasa ida seluk mak prevene nia an ne’ebé mak informasaun falsu, segundu oinsa jere ameasa ba ita nia an nu’udar ema ida. Intensaun husi materia ne’e kona  kedas jornalista sira nia hakarak. Ita boot sira lahatene informasaun sira ne’e oinsa bele prevene ita nia an rasik”, Dehan Prezidente KI iha Salaun Maubisse 05/03.

Iha fatin hanesan Projek Menejer ABCID International Development, Fiona Churchman, hatete durante ne’e ABCID International Development servisu hamutuk ho KI Timor-Leste tinan rua ona hala’o ona formasaun ho tópiku diferente ne’ebé realiza iha Oecuse, Dili, Baucau, Balibo no Ainaro.

“Formasaun ohin ninia objetivu oinsa haree liu kona-ba jornalista sira bele sente aseguru iha espasu tuir mai liuliu ohin ita halo formasaun iha Múnisipiu Ainaro liuliu iha Maubesi ita hakarak jornalista sira iha área sira bele hatene pasu sira oinsa bele hatene protje sira nia an iha espasu ohin loron. Ami halo ona topiku badak intertropiku ne’e nian reprejenta  interprepojitivu ami halo formasaun kona-ba oinsa atu halo reportajen durante eleisaun, halo ona formasaun kona-ba reportajen inklusivu no halo formasaun ba área diferente”, Hatete, Projek Menejer ABCID .

Entretantu, ba futuru sei halo tan formasaun barak liuhusi kooperasaun ho Konsellu Imprensa Timor-Leste. Formasaun sira ne’e sei haree liu ba saida mak média no jornalista Timor-oan presiza kona-ba plataforma dijital no reportajen Indep nian.

Jornalista  : Eufrozinha Braz                          

Editor  : Média RKDTL