RFTL SELEBRA LORON FETO INTERNASIONAL NO ANIVERSARIU RFTL BA DALA 25

 

Dili-12/03/2025-Média Defisiensia, Rede Feto Timor Leste hamutuk ho parseiru no governu, hodi selebra loron Feto Internasional iha Timor-Leste no aniversariu Rede Feto nia ezistensia iha rai-laran ba dala 25.

Tui Prezidente Konsellu Diretoria Rede Feto Timor-Leste, Zélia Fernandes hatete, agradese no fó onra ba Parseiru Dezenvolvimentu no partisipante sira bele partisipa iha selebrasaun loron Feto Internasionál aumesmu tempu selebra mós aniversáriu RFTL, maske hasoru dezafiu maibé nafatin hala’o knar sira.

"Komemorasaun loron Internasuonal Feto ba tinan ne'e no selebrasaun 25 anus Rede Feto Timor-Leste nu'udar sesaun importante ba inan feton, bin alin no oan feto sira, nune'e mós ba Rede Feto Timor-Leste nu'udar Organizasaun sumbriña ne'ebé hamahon organizasaun 46 ba susesu no dezafiu ne'ebé  ita hasoru iha ita-nia jornada ida ne'e. Ita kontente hodi selebra Timor-Leste nia dadus makas iha enkuadramentu legal hanesan parte ida, hodi promove partisispasaun feto nian iha parte hotu-hotu no fó protesaun ba feto sira, maibé ita preokupa no triste ho situasaun atuál ne'ebé ita ho feto maluk sira no labarik feto sira sei hasoru”, Dehan Prezidente Diretoria RFTL iha Salaun CNE, 11/03.

Hatutan tan, Maluk Feto sira kontinua luta naruk ba ejiji sira-nia direitu igualdade mak desigualdade, luta feto nian presiza atu hetan respeita, konsiderasaun no rekoñesimentu ba sira-nia papél no kontribuisaun.

Iha fatin hanesan Sekretariu Estadu Komunikasaun Sosial no Interinu Sekretariu Estadu Igualidade, Expedito Loro Dias Ximenes, dehan loron Internasional ba feto hanesan selebrasaun kona-ba feto nia susesu no ativu ba igualdade jeneru ne’e oportunidade di’ak tebes atu fó onra ba feto sira nia kontribuisaun bo’ot iha ambitu moris tomak.

“Ohin rede feto Timor-Leste halibur ita hotu parseiru dezemvolvimentu, ativista ho familia rede bo’ot Timor-Leste, atu selebra loron internasional feto nian no mós selebra aniversariu rede feto ba dala 25 ho oprtunidade ne’e atu fó onra ba feto Timor-Leste sira nia luta, susesu, forsa no rezidensia. Loron ne’e la’os de’it selebrasaun baibain ida, maibé hanesan refleta kona-ba luta ne’ebé feto sira hasoru  ba iha progresu ne’ebé sira halo ona iha futuru, feto sira hatudu ona ba ita tomak sira forsa la’os de’it fisiku, maibé mós kbi’it atu hamrik maski iha dezafius atu lidera ho laran sadia no atu forma futuru ho vizaun ne’ebé di’ak. Tempu atu refleta fila fali ba avansu ba igualdade jeneru ita hare iha moris lor-loron nian no iha Nasaun rasik mudansa sira ne’e mosu, tanba ita hahu deklara hamutuk atu tau asaun ne’e hanaran kbi’it ka poder husi komprimisiu ne’ebé nasaun sira halo hamutuk atu resulta moris feto sira nian”, Afirma SEKOMS

Embaixadór Uniaun Europeia iha Timor-Leste, Marc Fiedrich esplika, agradese partisipa iha selebrasaun ne’e hanesan segmentu dadus hodi tuir eventu ne’ebe atu hato’o, maibé atu dehan sira hetan ona onra husi nasaun ne’e no fó apoiu makaas, fornese ona iha tinan hirak nia laran, iha internasional sira seluk inklui Timor-Leste .

“Ita boot sira nia prezensa hanesan idade ne’ebé feto sira husi ne’e no kona-ba saida mak sustenta nia iha tinan hirak nia laran kritikasaun no presizensia husi feto timor-oan sira ne’ebé luta ba sira nia direitu, mudansa sosial husi rejimentu sira koligasaun. Orgullu ba papél ita boot sira nian, iha siklu foun labarik sira nian. Hau la haluha katak apoiu ne’ebé makaas fornese ona iha tinan hirak nia laran iha internasional sira seluk inklui ita nia rain Timor-Leste ne’ebé simu nia rekrutamentu”, Tenik Embaixadór Uniaun Europeia iha Timor-Leste.

Entretantu, iha eventu ne'e Rede Feto Timor-Leste sei entrega dokumentu plataforma ba periodu 2025 to'o 2029 hafoin halo redasaun finál molok kongresu, ne'ebé entrega ofisiál ona, maibé dokumentu finál ne'ebé  halo redasaun ba tetun nian.

Jornalista : Anselmo Martins

Editor       : Média RKDTL