PM HO PR ENKONTRU SEMANAL DISKUTE DEZENVOLVIMENTU INFRAESTRUTURA IHA TL

 

Dili-13/02/2025-Média Defisiensia, Primeiru Ministru hasoru malu ho Prezidente Republika José Ramos-Horta, hodi koalia atividade no problema sira kon-ba dezenvolvimentu infraestrutura iha rai-laran.

Tuir Primeiru Ministru, Kay-Rala Xanana Gusmão hatete, atividade semanal ne’e atu koalia ba dezenvolvimentu tanba IV Governu define ona planu no programa kona-ba infraestrutura sira ne’ebé sei hala’o iha munisipiu, postu to’o área rural.

“Atividade semana ne’e hanesan horseik iha konsellu ministru, ami haree problema balun kona-ba dezemvolvimentu ba ita nia rain, iha kedas IV Governu ami define katak base ba dezemvolvimentu mak infraestrutura basika hahu husi nasionais,rejionais,lokais too rurais. Ohin loron ita haree tinan ida ne’e hahu Janeiru mai ne’e mate ona ema rihun ida ona, ne’e imi mak hasai nia mate ona rihun ida moras sira mai husi foho ne’ebá mate iha dalan ida ne’e hotu tanba ne’e mak ita atu komprende tanba sá mak temi infraestrutura basika, tenta atu kontinua hanoin ne’ebé uluk kedas iha IV Governu ami hasai, tanba bainhira ita haree povu estadu ne’e atu la’o ho di’ak hodi prepara ba futuru no edukasaun ba labarik sira ba hotu iha Postu, ita sei to’o ne’ebá estrada,bee,eletrisidade. Atividade basiku rua iha rain mak Saude no Edukasaun, ami buka dadauk no haree kona-ba fatores ka kondisaun tolu ne’ebé bele garante katak dezemvolvimentu bele ba to’o iha área rurais mak estrada, eletrisidade no bee sei la’o neneik, tanba ami lakon tinan ida ho balun hodi kuriji de’it iregularidades sira ne’e”, Dehan PM iha Palasiu Prezidente, 13/02.

PRIMEIRU Ministru hatutan tan, iha ekontru ne’e PM mós kolia ba Prezidente katak PM sei tun direta hodi observa no haree planu no dezenvolvimentu sira iha rai-laran nian.

“Hau mós dehan ba Prezidente katak tinan oin ne’e Governu hatene tia ona tinan mai ne’e atan oan hau sei la iha Dili sei lao hodi bele iha ideia diak liu hodi kuriji planeamentu ba dezemvolvimentu iha tinan 2026 tanba dalaruma buat ida besik hela iha ita nia uma ita dehan ne’e mak urjente mais ida ne’ebé do’ok liu iha populasaun nia le’et ne’ebá tanba ita mós lala’o tama to’o ne’ebá ita dehan la dun urjenti ida ne’e mak provoka dadauk ona iha ideias Administrador sira, xefe suku sira husi postu administrativa hanoin dadauk ona  oinsa atu dezemvolve kuandu mosu Governu Lokal sira bele dezemvolve hodi haree ba prioridade dalaruma ita labele temi prioridades katak ida ne’ebá mós presiza prioridade atu ida ita labele ezekuta tebes entre nesesidades sira ne’e ita dehan ida ne’ebé prioridade”, Tenik PM 

Entretantu, problema bo’ot kona-ba Eletrisidade kona-ba sira ne’e hotu hala’o hela iha tinan 2016 V Governu falta 28%, mai fali 2023 01/07 28% mós sei falta nafatin, Aldeia 76 no Postu Administrativu simu ona, hela Aldeia 24 mak iha progresu.

Jornalista : Marcos Elo & Jaime Barreto (Estajiadu)

Editor       : Média RKDTL