STAE-CNE ENTREGA MATERIAL ELEISAUN SUKU BA STAE MUNISIPIU 8

 

Dili-21/01/2025-Média Defisiensia,Sekretariu Tekniku Administrasaun Eleitoral hamutuk ho Komisaun Nasional Eleisaun distribui material sensitivu ho noun sensitivu ba eleisaun suku iha munisipiu 8 ba suku 18 ne’ebé foin estabelese.

TuirReprezentanteMinisterioAdministrasaun Estatal liuhusi Vise Ministru MAE Jacinto R. G. de Deus hateten ohin loron 21 Janeiru  MAE servisu hamutuk ho CNE halo termu entrega material agora dadauk prosesu lao hela, iha 24 janeiru distribui ba iha sentru votasaun hamutuk 70 iha aldeia  ne’ebe mak iha.

“Ohin 21 fulan Janeiru 2025 entrega hela material sira ne’e hodi transporte ba munisipiu sira atu nune’e iha 24 janeiru distribui ba iha sentru votasaun iha aldeia 70  ne’ebe mak ita hala’o tan iha aktu demokratiku ida ne’e hanesan pasu prosesu ida ba iha eleisaun nia laran ne’e la’os buat foubn ba ita. Ami hein katak material sira ne’e hosi parte hotu hotu se kuidadu ho diak atu bele to’t ba sentru votasaun sira atu realiza eleisaun suku 18 ne’e bele la oho diak ho susesu”, Dehan Vise-Ministru MAE iha STAE Nasional Caicoli Dili, 21/01.

Vise-Ministru akresenta tan, Material sensitivu no Noun sensitivu hirak ne’e importante ba prosesu elisaun nian atu gia didiak no kontrola  atu labele hamosu dezentendimentu iha públiku. MAE tau konfiansa tomak ba STAE, Autoridade no Seguransa.

“Ami tau konfiansa tomak ba STAE, autoridade, seguransa, suku sira no ba hirak ne’ebe mak envolve iha prosesu eleisaun ne’e la’o ho di’ak hodi ahtudu ba povu hotu katak buat hotu-hotu la’o ho dignu. Fiar katak ESTAE munisipiu sira tomak iha kapasidsede sufisiente hamtuk ho PNTL atu asegura prosesu eleusaun suku 18 ne’e to’o noia rohan tanba ne’e eleisaun ne’e ba suku 18 maibe urnas ne’e iha aldeia 70 ho ida ne’e MAE ho STAE so akompaña no ahlo supervizaun de’it”, Salienta Vise-Ministru MAE.

Iha fatin hanesan Prezidente Komisaun Nasional Jose Belo afirma, eleisaun refere fó oportunidade  ba Timoroan hotu mezmu suku no aldeia naton mak atu partisipa iha eleisaun atu habelar nafatin preparasaun la’o ho di’ak hodi sai nafatin komikmentu estadu ne’e nian.

“Ita tama ba faze atu destribui material sensitivu ho noun sensitivu, maibé antes ne’e prezidente autoridade hamutuk ho administradór postu sira liuliu parte nasional ho ami komisariu sira ami sente prosesu ida dinamika iha baze, aprezentasaun kandidatu konkordansia husi aldeia ida ba suku ida ho kestaun kultura no istoria ne’ebé diferente no dinamiku iha baze. CNE no STAE nasional nomos STAE munisipiu durante ne’e koordena malu ho di’ak atu suku sira ne’ebé tama ba eleisaun ami halo mós edukasaun sivika ho ezersisiu naton, hodi esplika simular ba sira kona-ba direitu, dever no responsabilidade sira”, Dehan Prezidente CNE.

Tuir Director Jeral STAE Nasional Elviru Fernandes Moniz, Esklarese katak objetivu husi serimonia distribuisaun material eleisaun orgaun suku 18. Tanba bazeia ba dekretu guvernu numeru 5/2024 26 de Dezembru hamutuk suku 18 sei hola parte eleisaun orgaun suku ne’e akontese iha loron 25 fulan Janeiru tinan ne’e.

“Hosi suku 18 ne’e sei eleitu 87 membru konselu suku ne’ebe kompostu hosi xefi suku 18, lia na’in 14, joven mane 14, joven feto14, xefi aldeia 9, delegadu 9 no delegada 9 tanba ne’e eleisaun ida ne’e se iha eleitor hamutuk 24.126  makn se ezerse sira nia votu iha 25 fulan Janeiru 2025. Prosesu aktu eleitoral ne’ebe la’o tia ona iha aprezentasaun kandidatura ba xefi suku hamutuk 55 kompostu hosi mane 52 no feto 3”, Subliña DJ STAE.

Hatutan Diretor Jeral STAE, serimonia ne’e hodi entrega material ba eleisaun suku nian iha aldeia 70 no eleisaun sei hahu iha 25, no rezultadu sei fó sai iha loron 26 fulan Janeiru tinan ne’e.

 “Ita asiste serimonia termu entrega material ne’ebé kompostu husi sensitivu  no noun sensitivu mak bulletin votu ba xefi suku hamutuk  volta 552 livrus kada livru iha 50 follas no bulletin votu ba xefi aldeia 74 livru ho delegadu/a 46 livrus ba joventude mane, feto 36 livrus no mos urna 105. Nune’e sei halo mós distribuisaun ba aktas ho formulariu no sasan sira seluk ne’ebé atu fasilita prosesu aktu eleitoral nomos votasaun to’o kontajen. Material hirak ne’e kobre ba aldeia 70 iha loron 24 fulan Janeiru distribuisaun material sensitivu ba iha sentru votasaun iha loron 25 Janeiru realiza eleisaun orgaun suku no 26 fulan Janeiru 2025 rona rezultadu ba suku hira mak eleitu no hira mak kandidatu sira tenki avansa ba II ronde”, Tenik DJ STAE.

Entretantu, eleisaun suku iha loron 25 Janeiru 2025  ne’e sei realiza ba suku 18 iha Munisipiu 8 hanesan Suku Hurai Raco, Postu Administrativu Aileu Vila, Munisipiu Aileu. Suku Karahili, Postu Remexiu, Munisipiu Aileu. Suku Builai no Suku Caibada Macasa’e, Postu Baucau, Munisipiu Baucau. Suku Ueru-mata, Postu Laga, Munispiu Baucau. Suku Poetete, Suku Poetete Vila no Suku  Poetete Lodudu Postu Ermera, Munisipiu Ermera. Suku Koaliate Leten, Postu Hatulia A, Munisipiu Ermera.

Suku Assui-lau, Postu Administrative Letefoho, Munisipiu Ermera. Suku Buduro, Postu Administrativu Lautem, Munisipiu Lautem. Suku Laku Mesak, Postu Administrativu Laclo, Munisipiu Manatuto. Suku Ili-Huli, Postu Manatuto, Munisipiu Manatuto. Suku Tahu Bein, Postu Alas, Munisipiu Manufahi. Suku Mone Meco no Suku Cutete, Postu Pante Makasar, Munisipiu RAEOA. Suku Macadique de Baixo no Suku Macadique Uaitame, Postu Uatulari, Munisipiu Viqueque.

Jornalista : Geraldino Magno

Editor      : Média RKDTL