PLAN INTERNASIONAL HO ONG KONKLUI DISKUSAUN HODI ESTABELESE REDE ADVOKASIA IHA MUNISIPIU TOLU

 

Dili-22/01/2025-Média Defisiensia, Plan Internasional iha Timor-Leste servisu hamutuk ho organisaun naun-gornamental (ONG),  AHDMTL no Arcoires Timor-Leste, iha  parte rua mak CBRN-TL no Asosiasaun Naroman ba Futuru hodi diskute no tau ideia ba implementasaun programa “Ba futuru ne’ebé inkluzivu no seguru, hodi loke potensial tomak husi Timor-oan sira nia diversidade hotu” tarjetu iha suku 12 iha Munisipiu Dili, Ermera, no Ainaro.

Tuir Program Manejer Arcoiris-TL Luis Araujo Pinto, hatete ojektivu husi enkontru ida ne’e atu fornese informasaun ba malu kona-ba metodu implementasaun, programa ne’ebé mak di’ak ho estratejiku, hodi dada partisipasaun ativu husi komunidade EhD no komunidade LGBTQI+ inklui foin-sae sira atu kombate estigmasaun, diskriminasaun no violensia hasoru grupu sira ne’e.

“Ita mai iha ne’e ho objetivu atu halo konsultasaun despasaun fahe resultadu ou dezafiu sira ne’ebé organizasaun sira  hasoru liga ho programa implementasaun  tinan rua ho balu programa ne’e sei termina iha Jullu mai sei apresenta fali ba sosiedade sivil. Organizasaun sira seluk ne’ebé mak hola parte hanesan iha asuntu Defisiensia inklui mos asuntu LGBTQI+  nian. Programa sira ne’ebé mak sira implementa ona iha munisipiu  nia progresu no dezafiu sira  hasoru iha tereinu”, Dehan Program Manejer Arcoiris-TL iha salaun ADTL Maskarinhas, 21/01.

Hatutan Programa Menejer Arcoiris, atividade ohin mai iha ne’e koalia kona-ba  asuntu  direitus Humanos, no halo diskusaun, hodi rona hanoin suzestaun ka rekomendasaun ruma hosi ema ho defisiensia sira mai husi organizasaun sira.  Atu bele tau hanoin hamutuk ho Plan Iinternasional  hodi estabelese rede ida hodi halo advokasia iha Futuru.

“Ita haree durante iha implementasaun ba programa sira ne’ebé mak  halo hosi parte Arcoires  nian asuntu hosi ELGBTQI+ nian dezafiu balu  hosi maluk diversidade sira  rasik, tanba programa konsentra iha Munisipiu tolu (3) hanesan Ainaro, Dili ho Ermera. Maibé hanesan iha Dili ladun iha problema, iha Munisipiu sira seluk hanesan Ainaro ho Ermera iha komunidade sira sedauk sensivel no koñesimentu kona-ba asuntu LGBTQI+. Membru sira rasik seidauk konfortavel atu identifika sira nia aan, dalaruma sira identifika sira nia an tauk, bele hetan deskriminasaun violasaun no estigma sira ne’e sai dezafiu ida ba Arcoires  no ba  sosiedade sira seluk’’, Tenik Programa Menejer Arcoiris

Entretantu, Programa ba Implementasaun  Diversidade no Inkluzaun ne’ebé mak implementa durante tinan rua ho balu hahu hosi 2023 no sei  termina iha 2025 fulan Jullu ne’e. Hetan apoiu hosi  Plan Internasional ne’ebé mak Arcoires Timor-Leste ho AHDMTL hetan fundus ne’e hosi Uniaun Europeia, hodi implementa kona-ba Programa Diversidade ho Inkluzaun iha Programa ne’e fahe ba rua, ida foku liu ba iha  Programa LGBTQI+ no ida foka  ba asuntu Defisiensia nian.

Jornalista : Eufrozina Braz

Editor       : Média RKDTL