KI HO ANC ASINA MEMORANDU HODI DEZENVOLVE SETOR KOMUNIKASAUN IHA TL

 

Dili-22/01/2025-Média Defisiensia, Konsellu Imprensa (CI) hamutuk ho Autoridade Nasional  Komunikasaun (ANC) asina akordu importante ba Dezenvolvimentu Setor Komunikasaun iha Timor-Leste maske iha dezafiu nomos oportunidade.

Prezidente Konsello Imprensa Otelio Ote, hatete atividade memorandu ne’e atu simplika di’ak liu tan prosesu ho mekanizmu no meus komunikasaun sosial sira iha futuru bele la'o ho di'ak presiza husi parte rua ne'e iha koordenasaun ba malu.

“Objektivu instituisaun rua ne’e atu halo koordenasaun metin no verifikasaun didi’ak kona-ba meus komunikasaun sosial sira. Ita hatene konsellu imprensa durante iha problema tékniku uitoan kona-ba oinsá mak verifika rádiu no telivizaun sira, tanba iha televizaun ida ka rua agora seidauk bele rezistu iha konsellu  imprensa tanba presiza baze lega ne’ebé loos ho regra sira tenki konfirma ho Autoridade Nasoinal Komunikasaun (ANC). Atu asegura asesu informasaun ba ema hotu-hotu bele fó lisensa ba rádiu no telivizzaun sira atu asegura informasaun ba sidadaun”, Dehan Prezidente CI iha salaun Konsellu  Imprensa, 22/01.

Iha fatin hanesan, Prezidente ANC Flavio Cardoso Neves, akresenta husi parte Autoridade Nasional Komunikasaun (ANC) konsidera serimonia asina memorandu ne’e  hanesan pasu  importante, ba Konsellu Imprensa ho ANC, atu haree hamutuk nivel sira hodi  autoriza média televizaun no rádiu sira atu kontinua loke iha Timor-Leste.

“ANC haree ba parte tékniku atu bele atribui ba aspektu sira ne’ebé uza mesmu ho nota intendimentu ne’e. ANC sei rezistu iha konsellu imprensa se de’it mak halo atividade tenki resjistu uluk iha KI antes hetan frekuénsia. Ami apresia haree  ba nota entedementu ne’e di’ak ba future, nune’e bele kria ambiente  no meus komunikasaun ne’ebé di’ak. Tanba objektivu husi nota entendimentu atu fasilita di’ak liu, depois ema ne’ebé asesu ba informasaun bele seguru ho kontente ”, Subliña Prezidente ANC.

Tui Diretor Ezekutivu KI Antonio Dias, afirma Konsellu Imprenza hamutuk ho ANC atu explora oportunidade ne’ebé iha, hodi hamutuk envolve ida-idak nia kompeténsia, atu kontribui ba liberdade implensa no igualdade extensaun iha rai laran no  ikus mai kontribui ba demokrasia ida ne’ebé buras liu.

“Ita atu hametin kooperasaun ida ne’ebé di’ak, média hamutuk ho Jornalista sira iha dinamiku atu adapta-an ho teknolojia modernu. Sektor Komunikasaun iha kualidade informasaun, tanba iha infraestrutura komunikasaun ne’ebé modera  ho justifikadu, maibé se laiha informasaun ne’ebé kualidade la kontribui ba estadu demokrasia”, Tenik Diretor Ezekutivu KI Antonio.

 

Jornalista : Eufrozina Braz

Editor  : Média RKDTL