DIRETORA FOUN AHISAUN SIMU POSE HODI KONTINUA LIDERA ASOSIASAUN BA TINAN 5

Dili-20/01/205-Média Defisiénsia, Fundasaun AHISAUN hanesan asosiasaun ne’ebé lidera husi ema ho defisiensia ohin eskolla ona diretora foun Ermenciana Alves, hodi lideran asosiasaun ba tinan lima hahu 2025 to’o 2029.

Reprezentante AHISAUN Agustino do Rego, hatete atividade ohin realiza pose ba diretora no estrutura foun hodi kontinua  lidera no lori asosiasaun ba oin atu garante no defende ema ho defisiensia iha futuru hodi asesu ba edukasaun no servisu sira.

“Ohin loron 18 tinan 2025 fó pose ba diretora foun sei lidera Fundasaun AHISAUN ba tinan 2025 to’o 2029 ne’ebé mak fulan 2 kotuk liu ba halo eleisaun ba  atividade  ne’e atu haree lideransa foun ne’ebé mak lidera Fundasaun Ahisaun durante tinan lima ba oin ho nune’e atividade ne’e realiza maske loron ohin Diretora eleitu la marka prezensa. Tanba kondisaun gravida tebes nia delega hau nu’udar hola parte iha nia fatin atu bele simu hela tomada pose estaf no dirijenti Fundasaun nian, tuan ba estrutura foun”, Dehan Repretesentante diretora eleitu Agustino, iha Salaun AHISAUN 18/01.

 Reprezentante ne’e hatutan planu no servisu ne’ebé diretora eleitu sei hala’o lasees husi eis diretor halao ona.

“Planu Fundasaun Ahisaun la halai sees husi planu tuan ne’ebé mak iha ona, primeiru liu mak oinsa atu hasa’e kapasidade rekursus umanu liuhusi  entermu husi haree ba iha organizasaun nia estrutura. Agora dadaun  ho nia begraun ne’ebé iha nomos iha  tim jestór ba leten nian ho programa manejer segundu nian top menejer lider menejer  parte implementasaun hanesan sira estaf implementasaun primeiru liu mak hasa’e ita nia kapasitasaun ida liuhusi formasaun hanesan lideransa formasaun sira seluk. Nune’e bele hasa’e ita nia kapasidade planu lases husi advokasia husi Educasaun hametin organizasaun liuhusi mehi, sira ne’ebé mak iha ”, Tenik Agustino.

 Entretantu, hanesan estrutura foun nafatin kontinua atividade ne’ebé hala’o tia ona, planu estratejia ne’ebé iha liuliu fokus ba iha advokasia nomos atu hametin organizasaun. Liuhusi sustentabilidade hanesan arte kultura, haforsa formasaun liuhusi kursus komputadór ho lian Ingles ho lian seluk ne’ebé mak Guvernu presiza. 

Jornalista : Alexandre Salsinha

Editor       : Média RKDTL