VENSEDÓR
NA’IN 5 SIMU PRÉMIU DIREITUS UMANUS SERGIO VIEIRA DE MELLO HUSI PR
Dili-11/12/2024-Média Defisiensia,
Prezidente Republika Demokratika Timor-Leste, Entrega Prémiu Direitus Umanus
Sergio Vieira de Mello Edisaun 17 ba vensedór distintu na’in lima.
Prezidente no Laureadu Nobel ba Pás, José
Ramos-Horta, hatete vensedór na’in lima, mak simu premiu Direitus Umanus ba
tinan ne'e iha kategoria Direitu Ekonómiku, Sosiál no Kulturál.
“Prémiu Direitus Umanus Sérgio Vieira de
Mello nu'udar inisiativa ne’ebé lansa iha tinan 2008 hosi PR ho objetivu atu
rekoñese kontribuisaun hosi sidadaun timoroan, sidadaun estranjeiru, organizasaun
governamentál ka naun-governamentál sira, ba prosesu promosaun, protesaun no
defeza direitus umanus iha Timor-Leste. Prémiu iha kategoria rua ne'ebé diferente
iha Direitu Sivíl no Polítiku, ne'ebé fó ba indivídu no organizasaun sira
ne'ebé fó kontribuisaun iha nasaun. Atribui ba sira ne'ebé fó ona kontribuisaun
signifikativu ba promosaun no defeza Direitu Ekonómiku, Sosiál no Kulturál”,
Dehan PR liuhusi Komunikadu, 10/12.
Hatutan Prezidente, atividade ohin fó onra ba
sira ne’ebé hatudu ona kompromisu metin
no proteje direitu sivíl no polítiku,
hodi avansa direitus umanus iha rai-laran.
"Ohin, ita fó onra ba individuál no organizasaun
notável sira ne'ebé hatudu ona kompromisu metin hodi avansa direitus umanus iha
ita-nia nasaun. Sira nia dedikasaun hodi promove ,no proteje direitu sivíl no
polítiku sira reprezenta duni espíritu husi prémiu ida-ne'e no legadu Sergio
Vieira de Mello nian. BazeIa ba Dekretu-Lei No.15/2009 loron 18 fulan-Marsu, vensedor
ida-idak simu sertifikadu no prémiu osan hamutuk US$10,000.
Entretantu, Vensedór sira ba tinan ida ne'e
iha kategoria Direitu Ekonómiku, Sosiál no Kulturál mak hanesan Viquiano Gama
da Costa, Sentru Dezenvolvimentu Inkluzivu, Padre Augusto Hermenegildo Nunes,
OFM, Conv, Hipólito Alves dos Santos no Ezequiel Fernandes de Oliveira
Jornalista : Anselmo Martins
Editor : Média RKDTL
0 Comments