COVALIMA-11/12/2024-Média Defisiensia, United Nations Population Fund (UNFPA), servisu hamutuk ho Ministeriu Saude inagura Sentru Saude Tilomar sai fatin seguru hodi fó atedementu ba Suvervente sira iha Municipio Covalima.
Tuir
Diretora Jeral Kuidadu Saúde Primária
Elisabeth Leto Mau hatete, sente kontete tebes bele partisipa iha inagurasaun Fatin Seguru ne’ebé mak harii iha
Covalima, konklui ona ba dala hitu hodi fó atedimentu ba feto no labarik liuliu
sobrevivente sira bainhira presiza.
"Hau
kontente tebes bele partisipa iha eventu inagurasaun Fatin Seguru ida nee, bele
estabelese tan iha Sentru Saude Komunitária Tilomar, ho inagurasaun Fatin
Seguru Ida nee ba dala hitu (7) ne’e hanesan marka istóriku importante ida tan
husi ita nia esforsus atu kontínua hametin kapasidade setor saude, hodi
responde ba kazu VBJ iha Timor-Leste, partikularmente iha Munisipiu Covalima, desde iha tinan 2022 mai too tinan 2024. Ministériu
Saúde ho parseiru sira inagura ona fatin Seguru hamutuk neen iha Munisípiu neen
hanesan Viqueque, Ermera, Bobonaro, Liquica, Dili no Baucau ne'ebé hetan apoiu
tekniku husi UNFPA. Ohin ita inagura tan Fatin Seguru foun iha SSK Tilomar, liu
husi projetu hamutuk ba Igualidade ne’ebé finansiadu husi KOICA projeitu ne’e kobre munisipiu Dili, Baucau, Covalima no
RAEOA”, Dehan Diretora Jeral Kuidadu Saúde Primária, Elisabeth iha Sentru Saude
Tilomar, Covalima, 09/12.
Diretora
Jeral Kuidadu Saúde Primária esplika, iha tinan 2018, Governu Timor-Leste liu
husi Ministériu Saúde aprova ona, matadalan
nasionál ida ba setor saude atu responde ba Viólensia Bazeia ba Jeneru, inklui
Violensia parseiru intimu iha Timor-Leste, no provizasaun de servisus saúde
essensiál ba sobrevivente sai parte integral ida husi kobertura saúde universal
no kuidadu saúde primariu.
"Resentemente
governu Timor- Leste mós aprova ona PAN VBJ foun ho durasaun tempu tinan 10
(PAN VBJ 2022-2032), iha PAN VBJ foun pilar 2 mós kontínua estipula no reafirma
provizaun servisu essensiál sira ba feto no labarik-feto sira neebe esperiensia
violénsia no kontínua enfatiza no reafirma importansia husi setor saude nia
resposta ba kazu violénsia bazeia ba Jéneru no halo aproximasaun ho
multisetoriál. Asaun sira nee hotu, hatudu katak Governu Timor-Leste liu husi
Ministeriu Saude kontínua komprometidu atu responde prevene, kombate no halakon
Violensia Bazeia ba Jeneru iha Timor
Leste,"nia espelika.
Iha fatin hanesan Reprezentante Interina UNFPA iha Timor-Leste, Domingas Bernardo, esklarese UNFPA hamutuk Ministeriu Saude, hodi inagura fatin segura ba Suvrevivente sira bazia ba Violensia Bazeia Jeneru (VBJ) nian iha Sentru Saude Tilomar (SST).
"Wainhira
ita lansa fatin seguru ita marka istroria ida tan ba esforsu koletivus,laos ba
ema ida rua deit, maibe ba ita hotu-hotu nia responsabilidade. Ita luta atu
kria espasu ida neebe seguru bá feto no inan feto sira,no apoiu Fasilidade
saude sira ho kondisaun diak, hodi bele preve no responde ba VJB ho
evetivu,inagurasaun fatin segura ba dala hitu ona, Dehanb Reprezentante
Interina UNFPA
Tuir Prezidente Autoridade Munisipiu Covalima, Miguel Armanda Cardoso, senti honra teve bele sai fatin ba Inan gurasaun Fatin Seguru ba Sobrevente sira, no ba feto no labaraik sira neebe hetan Violensia Bazeia Jeneru ( VBJ).
"Hau
sente honrado tebes bele sai sasin ba
Inagurasaun Fatin Seguru ida nee, tanba ho ezistensia Fatin Seguru ida
nee, Vítima violensia domestika no Violensia Bazeia ba Jeneru sira bele iha ona
oportunidade hodi asesu ba servisus saude essensial neebe importante tebes hodi
fasilita Vítima kazu violénsia doméstika ou Violénsia Bazeia ba Jéneru hodi
rekupera husi siklu Violénsia neebe sira esperiensia ona durante tempu naruk. Hau
husu favor serbisu hamutuk hodi halo senbilizasaun ba komunidade sira atu
prevene Violénsia Bazeia ba Jéneru no responde ba violénsia bazeia ba jéneru ho
efetivu. Ita presiza tebes haforsa implementasaun lei hodi responde ba GBV ho
efetivu, liu-liu iha ita-nia area fronteira", Tenik Prezidente Autoridade.
Jornalista : Aselmo Martins
Editor : Média RKDTL
0 Comments