INDIKA KONKLUI DISKUSAUN RELASIONA IMPLEMENTASAUN GOVERNU NIAN BA DIREITU LABARIK

 

Dili-10/12/2024-Média Defisiensia, Indika realiza atividade diskusaun kona-ba governu nia investe kada tinan ba labarik sira nia direitu hodi asesu ba edukasaun no atividade seluk.

Tresa Sekretaria Ezekutiva Indik Maria Freitas hatete, diskusaun ohin foka liu ba saude no administrasaun balu, saude ne’ebé durante hare’e la’os ema hotu la asesu, maibé ema asesu nia kualidade atendimentu saude ladun di’ak no seidauk to’o iha povu kikoan sira liu-liu labarik sira.

“Objektivu husi diskusaun ida ne’e hanesan atu akumoda hanoin labarik sira nia liga ho implementasaun governu nian, ba asuntu direitu labarik. Ita   haree katak  governu investe tina-tinan kada governu ida mai investe, prioridade saida mak sira tau ba labarik sira, maka haree ba asuntu saude, edukasaun, justisa nomos sosial”,Dehan Sekretaria Ezekutiva iha Salaun Indika 06/12.

Salienta esizensia ida ne’e,UNICEF  atu hakerek mós objektivu segundu hakerek relatori ba iha komite, tanba komite iha 2002 sai hanesan membru ba iha Nações Unidas nian, entaun Timor-Leste iha direitu mós atu ratifika kovensaun.

“Ita hare’e direitu saida mak atu asegura ba labarik sira, tanba ne’e maka tina haat (4) tenki submete relatoriu ba iha komite ONU, atu hatene lala’ok implementasaun direitu labarik nian”, Salienta Nia.

Afirma tan, diskusaun ne’e hala’o Municipiu Dili ho Ermera alvu atu foti ida n’e atu halo koperasaun ba implementasaun direitu labarik nia ba iha baze nian oinsa no ba iha nivel nacional nian, foti husi alin sira husi parlamentu foinsa’e no inklui mos alin sira ho defisiensia husi Fundasaun Ahisaun nian, atu hatene katak lala’ok implementasaun atu asesu balabarik no labarik inkluzivu,

Iha fatin hanesan, Bernadete Soares hanesan membru Parlamentu Foinsa’e, sente kontente tebes, tanba liuhusi dikusaun ida ne’e bele espresa sentimentu nu’udar labarik feto ida ne’ebé dala barak asisti violensia makas hasoru entre labarik no mós joven sira .

“Ita espresa sai saida mak senti atu nune’e bele sai hanesan lian labarik sira nian ba iha parte relevante sira, oinsa sira bele haree kona-ba kazu sira ne’ebé labararik sira hasoru iha familia no komunidade sira”, Tenik Bernadete.

Mensajen ba labarik sira, keta tauk foti desizaun, keta tauk lao ba oin, tanba buat hotu ne’e ita laiha ida mak sala, iha sala mós iha ema ruma fó hanoin. No sujere ba iha parte governu sira presiza tau matan ba labarik iha area rurais, tanba labarik sira ladun asesun ba informasaun sira, no tau matan ba labarik defisiensia sira, sira mós hetan diskriminasaun ne’ebé mak bo’ot ba sira nia aan rasik, tanba sira la senti konfortavel bainhira koalia iha forum.

Jornalista : Eufrozina Braz

Editor : Média RKDTL