PROMOVE LIDERANSA EhD BA FUTURU NE’EBE INKLUZIVU NO SUSTENTAVEL

 

Dili-04/12/2024-Média Defisiésia, Ministeriu Solidariedade Sosial no Inkluzaun liuhusi Sentru Solidaridade Sosial Munisipiu Dili hamutuk ho Asosiasaun Defisiensia Timor-Leste no organizasaun sira konklui worshop hodi Promove Lideransa EhD ba Futuru ne’ebé Inkluzivu no Sustentavel.

Diretor Ezekutivu ADTL Cesario da Silva hatete, atividade worshop ne’e halao hodi prepara ba selebrasaun loron EhD iha aban loron 3 fulan Dezembro tinan ne’e ho tema ne’ebé iha, reflete ba EhD iha futuru ne’ebé inkluzivu.

“Worshop selebrasaun loron mundial ba Ema ho Defisiénsia sei akontese iha aban loron mundial ba ema ho defisiensia, entaun ohin ita hahu ho worshop, hodi halo diskusaun espesifiku ba lider ema ho defisiénsia sira, tanba worshop ho tema “promove ema lideransa ho defisiénsia ba future ida ne’ebé inkluzivu no sustentavel”. Ita konvida lider ema ho defisiénsia sira ne’ebé dadauk ne’e kontribui ba prosesu dezenvolvimentu nasional balu liuhusi kanal sosidade sivil balu, liu husi ejensia internasional balu iha instituisaun públiku entaun lider sira ne’e hotu mak mai hamutuk atu espresa komitmentu EhD nian, liuliu prosesu dezenvolvementu nasional ne’e atu entregra inklusaun defisiensia oinsa ho lider ema ho defisiensia sira mai atu koalia sai kona-ba prosesu dezenvolvementu”, Dehan Diretor ADTL iha Salaun City 8, 02/12.

Enkoraja Diretor ADTL, politika asaun nasional ba protesaun direitu ema ho defisiensia  ne’ebé mai ho planu asaun nasional ba EhD 2021 ate 2030 iha tema ne’e mós refleta ba natureza haforsa no inklusaun defisiensia iha Timor-Leste. Husu ba governu atu aloka nia rekursus ida atu asegura katak politika planu, programa sira ne’ebé governu introdus ona bele implementa ambiente selebrasaun tinan ne’e ho tema múndial reflete situasaun hotu-hotu  liu-liu guvernu, atu asegura ona aloka nia rekursu hodi haforsa ne’e iha maneira barak.

Diretora Sentru Solidaridade Sosial Munisipiu Dili, Judit dos Reis Sarmentu afirma Worshop ne’e kobre ho selebrasaun loron defisiensia nian, ba tinan ne’e MSSI fó biban ba sentru solidariedade sosial hamutuk ho Asosiasaun Defisiensia Timor-Leste, hodi organiza atividade loron ohin no aban sei partisipa husi komunidade no Ema ho Defisiensia.  

“Informa ba ita hotu seminar worshop ida ne’e  konta hamutuk ho atividades selebrasaun  loron ema ho defisiensia ba tinan 2024  MSSI iha tinan ida ne’e fó biban ba Sentru Solidaridade Sosial Munisipiu hotu-hotu inklui Dili, ami iha Munisipiu Dili organiza hela atividades selebrasaun loron EhD nian. Worshop ne’e hola parte iha selebrasaun ne’ebé organiza husi ADTL no hamutuk ho Sentru Solidaridade Sosial Munisipiu Dili nian, hodi realiza worshop aban sei finaliza hamutuk selebra loron mundial ema ho defisiensia iha munisipiu dili hamutuk apoiu husi Prezidente Autoridade Munisipiu ho nia estrutura sira no partesipasaun husi komunidade ema ho defisiensia iha munisipiu Dili”, Tenik Diretora CSSMD.

Iha Munisipiu Dili Ministeriu aloka ba munisipiu hotu maibé iha Munisipiu Dili ita hetan osan  10 mil i sentus oitenta,  hodi organiza ba loron defisiensia worshop ida ohin servisu hamutuk ho ADTL nia orsamentu jere rasik. Maibé apoiu ba atividades selebrasaun ba loron defisiensia nian. Fúndus jere husi sentru solidadridade sosial, hodi bele selebra loron ne’e  aban sei hala’o misa iha Motael depois misa hala’o marsa hamutuk ba iha fatin konsentrasaun  iha Ministeriu Jovéntude Deportu Arte no Cultura.

Jornalista : Anselmo Martins

Editor      : Média RKDTL