Dili-03/12/2024-Média Defisiénsia, Ministerio Solidariedade Sosial
Inkluzaun hamutuk ho Asosiasaun Defisiensia Timor-Leste no membru sira selebra
loron defisiensia ho tema espesifiku “Haforsa
Lideransa Ema ho Defisiensia ba Futuru Ida ne’ebé Inkluzivu no Sustentavel” hodi valoriza proteje no promove
direitu EhD iha sosiedade.
Reprezentante MSSI Maria Antonia
S. Gusmão, hanesan Diretora Ezekutiva Institutu Nasional Seguransa Sosial
hatete, Ativoidade ohin selebra loron defisiensia hodi promove no hasa’e hanoin
publiku nian relasiona ho EhD kona-ba bareira sira ne’ebé sira hasoru, durante
ne’e hodi halakon deskriminasaun ba Ema ho Defisiensia.
“Ojetivu husi selebrasaun ne’e
atu promove no hasa’e konesimentu públiku kona-ba direitu fundamental EhD
akresenta mós bareira no obstaklu ne’ebé Ema ho Defisiensia hasoru, promove
partisipasaun EhD iha atividade hotu, familia, komunidade no sosiedade hodi
hamenus no halakon diskriminasaun no estigma hasoru EhD mobiliza apoiu, hodi
dignifika direitu no bem estar ba EhD tinan 2024 ONU deside hasoru lideransa
EhD ba futuru ida ne’ebé inkluzivu no sustentabel”, Dehan Rep. MSSI Maria iha
SEJD, 03/12.
Tuir Diretor Ezekutivu ADTL Cesario
da Silva, afirma ohin festeja loron ida ne’e hamutuk ho maluk Defisiensia sira ho
tema ne’ebé espesifiku hodi hafanu lideransa EhD. Tanba tinan ne’e organiza
husi governu liuhusi MSSI hamutuk ho ADTL ba selebrasaun ne’e iha Munisipiu
Dili hamutuk ho ema defisiensia 500 no apoiu sira mai husi governu.
“Selebra loron ne’e atu festeija
hamutuk ho EhD liuliu natureza selebrasaun tinan ne’e ho tema espesifiku
“Haforsa lideransa ema ho defisiensia ba futuru ida ne’ebé inkluzivu no
sustentavel”. Tema ne’e hafanu oinsá lideransa EhD. Tanba selebrasaun tinan
ne’e lidera total husi Governu, liuhusi MSSI iha Dili MSSI, Autoridade
Munisipiu Dili no Asosiasaun ADTL ho membru sira organiza oinsá atu nafatin
valoriza loron ne’e ba EhD iha teritoriu laran espesialmente iha Dili EhD iha Dili total 3 mil i tal. Maibé
mobilizasaun ohin kuase 500 mak partisipa iha selebrasaun loron mundial EhD. Atividade
ne’e fundus mai direta husi governu liuhusi MSSI hamutuk 10 mil husi Governu no 4 mil mai husi Asosiasaun
Defisiénsia Timor-Leste selebrasaun iha Dili kuaze 14 mil fundus ne’ebé, hodi
mobiliza ba loron ohin ho horseik hahu ho worshop”,Salienta Diretor ADTL.
Iha fatin hanesan, Sekretariu
Estadu Assunto Toponomia Organizasaun Urbana, Germano Santa Brites Dias, enkoraja maluk defisiensia sira katak husu
maluk sira tenke hakas an no reija barak labele lakon vontade, hodi aproveita
oportunidade sira ne’ebé mak iha.
“Hau husu ba maun alin sira hotu
ohin ita marka presensa iha fatin ne’e loron ohin loron boot ida ba ita boot
sira hanesan membru Governu hau nia mensajen ba ita boot sira, tenke reija
barak hakas an hadia ita nia kondisaun saude, nune’e ita bele aproveita
dezenvolvimentu ne’ebé mak ita nia Governu prepara hela ba ita nia povu doben
Timor-Leste. Loron ida ohin ita boot sira nian ami mai atu suporta imi husi kotuk
ita boot sira tenke hakas an, hodi hetan netik buat ruma iha moris loron-loron.
Ita boot sira hakas an atu bele akompaña ita nia dezenvolvimentu liuliu maluk
defisiensia sira lalika desanima, bainhira ita nia fuan no kakutak sei di’ak
ita mós iha direitu atu hakbesik ba Ministeriu sira, hodi hetan servisu no iha
direitu atu aplika ba servisu sira seluk, hodi sustenta ita boot sira nis vida”,
Tenik SEATOU..
Entretantu, husu maluk
defisiensia iha Timor-laran, iha situasaun ida iha faze prosesu dezenvolvimentu
nia laran, hanoin situasaun ne’e dala ruma kondisaun sira sedauk apar ho
situasaun ita advokasia hela kondisaun hotu sei tuir EhD nia kondisaun. Maibé
ida ne’e sedauk atinji tanba ne’e ita tenke infrenta bareira ida ne’e tenke
esforsu aan, hodi infrenta iha prosesu hotu, hanoin selebrasaun loron ba EhD
tinan ne’e mensajen prinsipal ba EhD tenke brani, forte no kontinua nafatin
luta ba inkluzaun sosial.
Jornalista : Geraldino Magno
Editor : Média RKDTL
0 Comments