UNFPA-MS LANSA FATIN SEGURU NO PRIORIDADE BA SOBREVIVENTE SIRA IHA BAUCAU

 

Dili-22/11/2024-Média Defisiensia, United Nations Population Fund (UNFPA) hamutuk Ministeriu Saude lansa fatin seguru ba sobrevivente sira iha Ospital HoREX Baucau, hodi asegura bainhira sobrevivente sira presiza atu halo tratamentu.

Vise-Ministru Saúde ba Operasionalizasaun Ospitál (VMSOO), Flávio Brandão Mendes de Araújo hatete, agradese tebes ba suporta husi UNFPA, NGO Belun, IOM, Unicef nomos parseiru sira seluk ne’ebé sempre apoiu ba Ministeriu Saude.

“Ita mai inagura fatin seguru, ne'ebé mak halo nia papel seguru ba violensia bazia ba jeneru, ita hotu hatene katak VBJ laos ba feto deit, maibe ba labarik feto no mane, liu-liu mak inan ho oan. Ita hetan apoiu finaseiru husi UNFPA, KOICA, Autoridade ospital rejional, ohin ita orgolhu, no agradese ba Maromak, tanba ita iha fatin seguru ida iha Baucau. Tanba Estudu ida halo kona-ba demografiku survfei hatudu katak, ita 32% ita hetan violensia ida ne’ebé mak bazeia ba jeneru" Dehan Vise-MSOO Flavio, iha Ospital HoREX Baucau, 21/11.

Iha fatin hanesan reprezentante UNFPA Timor-Leste Adjuntu Domingas Bernardo, hamutuk ho Ministeriu Saude no Autoridade Munisípiu Baucau halo lansamentu ba fatin seguru iha HOREX Baucau hodi fó asistensia ba VBJ husi ema seluk.

“Hau agradese tebes, enkuantu ita lansa fatin seguru iha HOREX Baucau, marka istoria ida tan iha ita nia esforsu koletivus. Momentu importante ida mós husi UNFPA nia kompromissu no determinasaun firme atu elimina Violénsia Bazeia ba Jéneru. Ita luta atu kria espasu ida ne’ebé seguru ba feto no inan feto sira hotu, no apoiu fasilidade saude sira ho kondisaun di’ak, hodi bele prevene no responde ba VBJ ho di’ak no efetivu”, Subliña Rep. UNFPA.

Argumenta tan Representante UNFPA, tuir demográfika saúde Timor-Leste tinan 2016 nian, hatudu katak un-tersu (%33), Ita haree espesialmente iha munisipiu Baucau, 21% husi feto sira ho idade tinan 15-49 esperiensia ona violensia fíziku. Bainhira sira sei idade 15 ida ne’e kazu ida ne’ebé seriu tebes no presiza ita hotu ita nia servisu hamutuk, hodi asegura katak sidade Baucau sai modelu espasu ne’ebé feto no labarik feto sira servisu livre husi violensia.

Representante Prezidente Autridade Munisipiu Baucau Maria Selestina Viegas, afirma apresia tebes ho fatin seguru ne’ebé konstrui husi Jica, no hetan lansamentu husi UNFPA no MS hodi sai hanesan ospital ba VBJ nian.

“Ohin ha’u mai atu hato liafuan bem-vindu iha ita nia sorumutu ba loron ohin nian, haksolok tebes no partisipa simu konvite iha governasaun fatin seguru ida ne’ebé estabelese ona iha ospital iha Baucau hanesan ita hotu hatene katak munisipiu Baucau nu’dar munisipiu boot ne’ebé representa 10% husi total populasaun Timor-Leste ne’ebé iha mós risku aas ba problema sosial, no oi-oin inklui violensia bazeia ba jeneru. Tanba ne’e esensial tebes atu asegura ambiente ne’ebé seguru ba ema hotu-hotu liliu ambinte ne’ebé asegura liu ba iha inan feton no labarik feto sira ne’ebé hetan violensia inklui violensia bazeia ba jeneru”. Tenik Representante PAM Baucau.

Entretantu husu ba ita hotu-hotu nia servisu hamutuk hodi asegura katak sidade  Baucau sei sai modelu ba feto no labarik, feto sira bele livre husi violensia no ita hatene katak husi aspektu politiku, no legal atu responde ba kazu violensia ba generu. Governu Timor-Leste aprova oan lei no politika nasional responde ba kazu sira ne’e ita hotu sai tilun matan no ba iha ita nia komunidade sira hotu ne’ebé mak asiste 62.

Jornalista : Anselmo Martins

Editor       : Média RKDTL