Oecuse-14/08/2024-Média
Defisiensia, Ensinu Báziku Filiál 1, 2 siklu Bitila
Suku Bene-Ufe Sub-Regiaun Espesiál Oecuse ba orfas ne’e dadaun ho kondisaun
ne’ebé grave difikulta estudante sira bele tuir aula ho di’ak.
Tuir
kordenadór eskola Gonsalo Coel, hatete eskola refere hari’I iha tinan 2010 hahú
atividade aprendisajen iha tinan 2011 hodi mai to’o ohin loron, nia informa
problema ne’ebé sira hasoru mak menus livru, menus professores sira, inklui
edifisiu eskola la sufisienste/ ba orfas ne’e komunidade apoiu harii hela
edifisiu rua atu fasilita estudante sira bele tuir aprendisajen.
“ami
iha ne’e kona ba problema eskola nian ne’e so falta mak menus livru, professor la sufisiente atu hasai ami nain
rua ida mak atu ba iha citrana maibé desizaun husi nivel altu sira mak bele
koloka, problema seluk mak eskola ne’e tanba ami sei uza hela nafatin edifisiu
ida ne’e, tanba ne’e kordena ho komunidade sira
hodi hari’i hela edifisisiu
eskola nian ba ami atu bele uza,” dehan kordenadór EBF Bitile 14/08.
Nia
hatutan, durante ne’e hato’o ona ba parte relevante sira, no tun ona ba halo
observasaun iha eskola refere maibé seidauk iha solusaun hodi bele hare ba
problema ne’ebé mak eskola infrenta hela ba oras ne’e.
“No
problema sira ne’e hato’o ona ba iha nivel altu sira no sira rasik tun mai
hala’o observa rasik, maibé to’o agora seidauk iha rejultadu atu bele hari’i edifisiu foun ruma mós la iha, tanba ne’e ami nia planu atu bele hato’o ba
nivél altu sira atu bele hare ba problema hirfak ne’e,” hakotu nia.
Entretantu
eskola refere akumula estudante hamutuk 71, eskola ne’e iha sala de aula 5, 4
ba estudante sira no 1 ba professores sira. Eskola ne’e dahuluk inagura husi matebia
Fernando Lasama.
Jornalista
: Alexandre
Editór : Média RKDTL
0 Comments