Dili-02/08/2024-Média
Defisiensia, Diresaun Autoridade Protesaun Sivil,
hato’o progresu ezekusaun orsamentu tinan ne’e, no apresenta planu sira 2025
nian, hamutuk ho Sekretariu Estadu Protesaun Sivil no Prezidente APC.
Sekretariu Estadu
Protesaun Sivil Domingos Mariano Reis, afirma,
atividade ohin kada diresaun sira apresenta sira nia ezekusaun 2024 no hato’o
sira nia planu ba tinan oin, hodi kontinua atinji programa sira ne’ebé sedauk
realiza.
“Ohin kada diresaun
sira apresenta sira nia progresu ezekusaun 2024, no apresenta mós diresaun sira
nia planu ba 2025. Progresu saida mak halo ona no saida mak sira hetan no saida
mak atu prepara ba 2025 nian, no programa ne’ebé sai prioridade ba tinan oin, programa
ne’ebé 2024 ezekuta ona, maibé la atinji sei implementa iha 2025, ami nia
programa prioridade ba 2025 iha rua Sistema Seguransa Nasional no
Dezenvolvimentu Instituisional, hodi garantia boa governasaun no promove
asesmentu jeral estadu no transparansia akontabilidade sai prioridade”, Dehan
SEPC Domingos iha Salaun APC Kaikoli, 02/08.
Hatutan Sekretariu
Protesaun Sivil hatete, atu atinji planu sira presiza iha kapasitasaun rekursus
umanu no liderasa sira, hodi ezekuta orsamentu tuir programa no planu sira iha futuru.
“Atu atinji kapasitasaun
rekursu umanu no kapasitasaun husi lideransas ba kargu sefia sira oinsa atu
bele ezekuta orsamentu tuir programa,
hodi bele promove programa no
planu orsamentu estadu iha 2024, ita iha 7.9 miloes dolares, ita ezekuta ona 52%
signifika ita ezekuta ona 4.1 miloes dolares. Programa no prioridade saida mak
tenke halo, APC altera lei organiku hodi hamosu tan diresaun tolu Diresaun
Metigasaun no Prevensaun, Diresaun Resposta Emerjensia no Diresaun Rekoperasaun,
maibé laos kolia de’it rekoperasaun ita kolia iha prevensaun importante loos”,
Tenik SEPC.
Entretantu, atu investe
iha prevensaun ho di’ak labele kontribui ba mal gastu ba orsamentu jeral estadu
no orsamentu 2025 sedauk iha, tanba ne’e dadaun APC sei prepara programa sira mai
husi diresaun sira hanesan Diresaun Nasional Dezastre, Bombeiros, Unidade
Espesial Protesaun Sivil, Sentru Formasaun, Metigasaun no Prevensaun Rekoperasaun,
Sivil no Emerzensia. Tanba ne’e rekursus menus la sai bareira ba APC nia knar,
hodi servisu lorloron maibé sai referensia ba APC hodi prepara planu ne’ebé di’ak
nune’e bele kompleta rekursus sira, responde ba nesesidade povu nian.
Jornalista
: Geraldino Magno
Editor:
Média RKDTL
0 Comments