AMD-FI SEI LOKE KOMPETISAUN BA SUKU MOOS NO HAKMATEK IHA FULAN NE'E

Dili-02/08/2024-Média Defisiensia, Autoridade Munisipiu Dili hamutuk Federal Insurance no Western Union sei kria atividade kompetisaun ba suku sira moos, matak no hakmate iha Munisipiu Dili fulan ne'e, hodi komemora loron Dili nian ba dala 255.

Tuir Xefe Gabinete PAM Isildo J. Tilman hatete, objetivu husi komunikadu atu fó sai atividade sira relasiona ho preparasaun ba selebrasaun loron Dili nian, ba dala 255 no sei loke atividade kompetisaun ba suku sira no komunidade liuliu ba joven sira ne’ebé iha taletu ba muzika no tiktok.  

“Objetivu husi komunikadu atu halo lansamentu ba iha atividade kompetisaun suku moos iha Dili laran, hahu husi ohin sei remata iha Outubro tinan ne’e, bainhira selebra loron Dili nian ba dala 255 no atu informa ba públiku kona-ba atividade saida mak atu prepara ba iha eventu ne’e nomos ba iha  selebrasaun loron DILI nian sei akontese iha 10 Outubro 2024 ne’e, ami tenta atu selebra  ba too iha suku sira iha munisipiu Dili no envolve mós komunidade tomak bele partisipa iha eventu ne’e, no iha kompetisaun oin-oin maibé kompetisaun hetan apoiu direta husi Federal Insurance no Western Union, kona-ba atividade suku limpu, hodi selebra loron Dili, iha kompetisaun kona-ba hamos suku, tiktok no kria muzika ho tema “Hamurak” hanesan slogan Dili nian ne’ebé “Hakmatek, Moos no Furak”, Dehan Xefe Gabinete PAM iha salaun AMD Kaikoli, 01/08.

Iha fatin hanesan Managing Director Federal Insurance Perosi Su’a afirma, atividade preparasaun hanesan oportunidade diak ba FIT no PHU-WU, hodi kolabora hamutuk ho AMD atu realiza eventu selebrasaun loron Dili, ho atividade kompetisaun suku moos sai parte ida, hodi kontribui ba sidade Dili moos no hakmatek iha pas.

“Oportunidade di’ak ba ami ho Phu- Western Union, hodi partisipa atividade preparasaun ba loron Dili nian, tinan ne’e hamutuk ho munisipiu Dili, sei realiza atividade limpeija no kompetisaun, hodi komemora loron Dili. Ami kontente tebes atividade ne’e mós Phu-WU ho FIT bele kontribui ba iha komunidade no ba Dili sai hanesan sidade ne’ebé moos tuir slogan ne’ebé iha katak “Hamurak, Hakmate , Moos, Furak no Nakonu ho Dame. Ami apoiu iha kompetisaun ba iha halo muzika  tuir tema selebrasaun nian “hamurak”  iha kompetisaun sei identifika muzika ne’ebé di’ak liu, hodi uza toka ba selebrasaun Dili, no fulan Setembru sei iha kompetisaun Tiktok  ba manan-na’in sira ne’ebé apresenta tiktok di’ak liu tuir tema “Hamurak” sei hetan premiu ba klasifikasaun  sira mak primeiru lugar, segundu luagar no terseiru lugar  nomos kopetisaun ba limpeiza kada suku ida-idak iha Dili, ne’ebé moos no matak liu iha sidade Dili”,Subliña FIT Perosi.

Tuir Representante Western Union Ventura Maia dehan, atividade kompetisaun suku 31 iha Munisipiu Dili konfirmadu, atu kontrui ba atividade kompetisaun ba selevrasaun loron Dili ba dala 255 no kompetisaun mak Muzika, Tiktok no limpeija iha suku sira.

“Suku 31 konfirmadu ona hamutuk ho AMD nian atu partisipa diretamente iha kompetisaun limpeiza ho tema “Hakmatek, Moos no Furak”,  ba kompetisaun limpeija ne’e hamos husi uma laran, haleu uma ba too suku no komunidade hela besik tasi ibun tenke hamos, durante kompetisaun hahu, nune’e bele hatoma hodi hamos lixu sira no iha kompetisaun nia laran ekipa juri sei observa dala haat, hodi foti rezultadu suku ne’ebé moos liu iha Kapital Dili, kategoria manan-na’in ba kompetisaun lixu mak sei haree husi parte di’ak liu, diak naton, diak, ladun diak no ladun diak liu”.Tenik Ventura.

Entretantu kompetisaun ne’e, sei hahu iha fulan Agusto to’o Outubru ho kriteira ekipa juri sei foti kriteria iha neen no ekipa juri tun direta ba suku, hodi halo avaliasaun dala haat no iha fulan Agustu dala rua no Setembru dala rua, hodi halo avaliasaun no foti valor lima no suku ida ne’ebé moos liu sei sai manan-na’in dahuluk iha kompetisaun ba selebrasaun loron Dili nian. Kompetisaun sira ne’e sei iha premiu ba suku moos, tiktok no muzika nian.

Jornalista : Geraldino Magno

Editor : Média RKDTL