Dili-05/08/2024-Media
Defisiensia, Autoridade Protesaun Sivil (APC), rejistu
tipu dezastre iha semana ne’e hamutuk 28 ne'ebé akontese iha munisipiu Sanulu
ho tipu dezastre diferente no dezastre semana ne’e na’in tolu lakon vida.
Tuir Diretór Gabinete Relasaun Externa no
Komunikasaun APC Cesario da Silva Marques hatete, dezastre ne'ebé akontese iha
semana ne'e, iha Munisipiu Sanulu hanesan Anin boot no Ahi han.
“Hahu loron 29 Fulan Jullu-05 fulanAgusto 2024, durante semana ida-nia laran iha
teritoriu Timor-Leste akontese dezastre naturais APC rejista tipu dezastre
hamutuk 28, ami reista katak numeru uma estragus 20, uma 8 latama kategoria no
numeru ema afetadus 103, liuliu iha munisipiu sira hanesan Baucau anin sobu uma
ida, Bobonaro anin sobu uma ida, Covalima anin sobu uma tolu, Dili Mate rua,
Ermera anin sobu uma haat no ahi han uma ida no mate ida, Lautem ahi han uma ida,
Liquiça anin sobu uma ida no ahi han uma ida, Manatuto Anin sobu uma rua,
Viqueque anin sobu uma tolu no RAEOA anin sobu uma lima no ahi han uma tolu”,
Dehan Diretor GREK iha APC Kaikoli, 05/08.
Diretor GREK hatutan, insendiu ne’ebé akontese ba
labarik idade tinan 4 lakon vida no ida tara aan iha Vila Verde aldeia
Terus-Na’in ho idade 21 no labarik ida lakon vida tanba moot iha mota ho idade
10, parte APC rekolla ona dadus, hodi hatoo ba parte relevante sira hodi tulun
ka fó apoiu ba insendiu akontesimentu ne’e.
“Iha Munisipiu Dili ema-na'in rua ne’ebé lakon vida, na'in ida husi insendu ka bis ne’ebé ahi han iha Lahane Osidental Aldeia Temporal iha
loron 3 fulan Agusto akontese ba Joanito da Costa ho labarik kiik-oan idade
tinan 4, no labarik ne’e la konsege salva, hodi rezulta ahi han ho
bis too lakon vida, no ida tara aan iha Vila verde ho idade 21 iha Aldeia Terus-na’in, no iha Munisipiu Ermera labarik ida lakon vida iha suku Talimoro Aldeia Moris
Foun akontese iha loron 2 fulan Agusto labarik ne’e moot iha mota ho idade tinan 10, ami rekolla dadus sira ne'e, hatoo ona ba parte relevante”, Tenik
GREK.
Entretantu, liuhusi Komandu APC autoridade iha
munisipiu ida-idak no parseiru relevante sira, fó ona asistensia emerjensia ba
iha familia afetadu sira, hanesan ai-han no laos ai-han. Komandu Operasional Autoridade
Protesaun Sivil munisipiu sira, sei kontinua halo hela levantamentu detaillus
kona-ba sasan ne’ebé estragus no lakon, nune’e APC hodi halo prosesu
levantamentu ba dadus sira hafoin vitima sira bele hetan sira nia diretu ba
apoiu tuir dadus ne’ebé iha.
Jornalista
: Geraldino Magno
Editor
: Média RKDTL
0 Comments