APTC APOIU KOMPUTADÓR 15 BA ORGANIZASAUN AHISAUN

 

Dili-13/08/2024-Média Defisiensia, Australia Pacific Traning Coalition(APTC), apoiu komputadór sanulu-resin lima ba  Organizasaun Asosiasaun hodi fasilita formasaun ba formandu ema ho defisiensia no la defisiensia durante fulan ne’e.

Diretor Fundasaun AHISAUN Domingos Talomau dos Santos, hatete apoiu ne’e kontinusaun ho tinan hira liu ba APTC apoiu ona material balun no ohin apoiu tan komputadór 15

“Ohin APTC kontinuasaun apoiu ekipamentu formasaun nian hanesan leptop sira ne’ebé mak ohin sira apoiu kontinuasaun husi 2022 ne’ebé mak sira halo rehablitasaun ba ponte, depois sira kontinua rehablita fali sala formasaun ne’ebé iha no ohin apoiu leptop ne’ebé sira ajuda hamutu 15 inklui ho box ida nune’e bele rai leptop, apoiu ne’e bele hasa’e di’ak liu tan kuantidade ema ho defisiensia bele mai tuir formasaun atu nune’e ema ho defisiensia mós iha skil kona-ba área administrasaun no IT nian”, Dehan Diretór iha AHISAUN Ai-Mutin Dili, 12/08.

Hatutan director AHISAUN, agradese ba APTC ba komitmentu hodi apoiu ekipamentu sira ba fundasaun AHISAUN, atu bele fasilita formasaun ba maluk defisiensia no la defisiensia sira, nune’e EhD bele asesu ba asesibilidade ho di’ak, hodi  hola parte iha kampu traballu iha futuru.

“Hau agradese ba APTC husi sira nia komitmentu apoiu no suporta ona ekipamentu hanesan leptop espera katak iha futuru mai sira bele aumenta tan meza kadeira sira, hodi bele halo di’ak liu tan fatin formasaun ne’ebé sai nia kualidade di’ak iha ita nia rain nomos husu nafatin apoiu ba iha sentru formasaun atu nune’e bele garante nafatin katak ema ho defisiénsia bele hola pate iha asesiblidade no ba iha kampu traballu ne’ebé mak iha ita nia rain. Ita haree katak ita nia maluk sira  defisiensia barak mak laa asesu ba servisu, tanba limitasaun skil iha parte lingua nian ita nia esperansa ho apoiu no suporta sira ne’e, ita garante katak ita iha  skil iha aréa teknolojia nian, hodi fasilita formasaun iha área teknolojia, hodi fasilita di’ak liu tan formasun ba ema hotu”, Salienta Diretór AHISAUN

Iha fatin hanesan Diretór Ezekutivu APTC Nicky Baird afirma, APTC sei nafatin apoiu AIHISAUN, liuhusi apoiu komputadór no tuir mai sei apoiu nafatin, hodi oferese ba maluk defisiensia sira bele asesu hodi partisipa iha formasaun ne’ebé oferese husi AHISAUN ba EhD no la defisiensia bele utiliza ba formasaun, no agradese ba diretor AHISAUN bele fó oportunidade ba APTC hodi apoiu fasilidade sira ne’e.

“APTC kontinua suporta ba sala formasaun  IT ne’ebé AHISAUN fornese kursus IT nian  liuhusi projetor nomos komputador seluk  depois intrega Leptop, sei kontinua nafatin suporta AHISAUN nia kursus IT, no ami agradese ba diretor ne’ebé fó ona ami bele ajuda AHISAUN atu atinji inkluzibilidade, asesiblidade bele liuhusi ita nia kolaborasaun parseiru, ami espera AHISAUN sei kontinua ba oin iha akreditasaun ikus kolaborasaun tuir mai sei kontinua nafatin kontente tebes ho servisu ida ne’e”, Tenik Diretór APTC.

Entretantu, iha apoiu ne’e hansan parte ida hodi bele hasa’e kualidade ema ho defisiensia nian, hodi bele kompete iha kampu traballu no mós asesu ba oportunidade sira la’os karidade de’it. Apoiu APTC nian fasilidade ba AHISAUN hahu husi 2022 to’o ohin loron, hodi hasa’e abilidade EhD nian liuhusi formasaun.

Jornalista : Geraldino & Anjelmo

Editor : Média RKDTL